ငါ့လက်ထဲက ဂျိုကာ
>> Wednesday, March 17, 2010
ငါဟာ ငါ့ရဲ့ ဟာသပါပဲ
လူရွှင်တော်ဒဏ်ရာနဲ့ "မကျေမနပ်ပြတ်လုံး"တွေ ရေရွတ်
တစ်ကိုယ်တော်မှောက်မှားခဲ့တဲ့ မိုးကြိုးညပျက်ပေါင်းများစွာ
ဂျိုကာတစ်ကောင်ရဲ့ငိုပွဲဟာ လူများတွေအမြင်မှာတော့ ရယ်စရာပါပဲ
ငါလည်း ငါ့ကိုယ်ငါ ဝမ်းနည်းပက်လက် ရယ်ပွဲဖွဲ့
အမုန်းကျောက်တုံးတွေ ငါ့လည်ပင်းမှာ အသာအယာချီဆွဲ
ကံတရားမျက်နှာလိုက်မှုကို မယုံမကြည်နဲ့
နာကျင်ခံခက် ဒုက္ခပင်လယ်ထဲ ထိုးဆင်းလိုက်တဲ့အခါ
ငရဲ နဲ့ နိဗ္ဗာန် ကျောခင်းကပ်လျက်
ပရိတ်သတ်ကြီး ရီ(ရယ်)ပါ။
8 comments:
ကဗျာလေး ကြိုက်လိုက်တာ။
လူရွှင်တော် ဒါဏ်ရာနဲ့
မကျေမနပ် ပျက်လုံးတွေရေရွတ် ........မကျေမနပ် ပြက်လုံးတွေ ရေရွတ် ...
ပျက်လုံး တွေ.............
ပြက်လုံးတွေ ....
ှုကိုယ်တိုင်လည်း ရေရွတ်ဆဲ
တစ်ကိုယ်စာကြားသာရုံ ပေါက်ကွဲမှုမျိုးနဲ့ ..
ဝမ်းနည်းပက်လက် ရယ်မောနေခဲ့ဖူးပေါ့
ပြက်လုံးကလည်း ဇာတ်နာလိုက်တာ ...
မိတ်ကပ်အဖွေးသားနဲ့ ဂျိုကာ ... ငိုနေတဲ့အခါ ...
ရာသီဥတုတွေဖောက်ပြန်လာတယ်။
....
ခံစားချက် ဧရိယာပြင်ပမှာ ...
ဂျိုကာ ... နွေဥတုတစ်ခု ကောက်ရထားပြီ။ ။
ဂျိုကာ...
ကိုယ်တိုင်မရယ်မောရတာကြာနေပြီ
ကိုယ်ပြက်လုံးကိုယ်ပြန်ရှာ
ရှာရင်းနဲ့မော
မောရင်းနဲ့ ရယ်မိ။
အေးဗျာ ..။
အနာတွေ နင်းကြမ်းနဲ့
ဂျိုကာ တစ်ကောင် အတွက်တော့
ငါဟာ ငါ့ရဲ့ ဟာသပါပဲ ..။
ကောင်းလိုက်တာဗျာ။
ငါ့ရဲ့ငိုပွဲဟာ လူများတွေအမြင်မှာတော့ ရယ်စရာပါပဲ
ငါလည်း ငါ့ကိုယ်ငါ ဝမ်းနည်းပက်လက် ရယ်ပွဲဖွဲ့
ကြိုက်တယ် ..မဟားတရားကြိုက်တယ်
Post a Comment