Pages

အသုံးမကျတဲ့ဇာတ်လမ်း

>> Monday, December 28, 2009

ထမင်းတစ်လုပ်ဝါးမိတိုင်း
ဆာလောင်မွတ်သိပ်နေတဲ့ ချို့တဲ့ပါးစပ်တွေကို သတိရတယ်

ဇိမ်ကျကျအိပ်ရာပေါ် အိပ်လိုက်တိုင်း
တမံတလင်းပေါ်က ကျောတွေကို အားနားမိတယ်

ပြောချင်တာ လွတ်ခနဲ ပြောလိုက်တိုင်း
ပြောခွင့်မရှိတဲ့ ပါးစပ်တွေအတွက် နာကျည်းမိတယ်

ကြည့်ချင်တာတွေ ကြည့်ခွင့်မရှိတဲ့ မျက်လုံးတွေအတွက်
တစ်ခုခုတော့ လုပ်ပေးချင်တယ်

ဒီဇာတ်လမ်းမှာ
အတ္တက မင်းသား၊ ငါက ဗီလိန်ပါ။
အတ္တထိုးသမျှ ကြိတ်သမျှ ငါ့မှာ နဖူးကွဲ ဒူးပြဲ။
အတ္တ ချည်နှောင်သမျှ ငါ့မှာ မလှုပ်သာ မလူးသာ။
အသုံးကျတာ တစ်ခုမှ မလုပ်ခြင်းတွေ ပိုင်ဆိုင်ပါတယ်။

ကျွန်တော်ဟာ အရှက်နဲခဲ့ပါတယ် ဖေဖေ။

Read more...

သက်ပြင်းဟာ နွေဦးရဲ့လေပူတွေထက် ပူလွန်းတယ်

>> Tuesday, December 22, 2009

နွေဦးရေ
သက်ပြင်းတွေနဲ့ မျောချနေရတဲ့ ငါ့ရဲ့စိတ်တွေမှာ
မင်းပေးတဲ့ မီးတောက်တစ်ခုဆီကိုင်လို့
အရူးသွေးထန်နေတဲ့ ကမ္ဘာမြေကို ချစ်စိတ်နဲ့ ငါငေးနေမိရဲ့

ခေတ်ကိုက အကောင်းမြင်ဝါဒီလုပ်မရတဲ့ ခေတ်လေ
နာမည်ပျက်လေ ဂုဏ်တက်လေဆိုသူလဲ ရှိရဲ့
သူများမျှော်လင့်ချက်ကို ခူးခပ်စားသောက်သူလဲ ရှိရဲ့
ဝေဒနာပြင်းပြင်း ဒဏ်ရာပေါ်ကို ဓားနဲ့ခုတ်ချသူလဲ ရှိရဲ့

ပြောကြကြေးဆိုရင် ဆေးခါးကြီးတစ်ခွက်ပါပဲ
ကြက်ခြေခတ်တွေနဲ့ စွေ့စွေ့နီလို့
သွေးဆာနေတဲ့ နာရီတွေက အသက်ပါအောင်ကို ရှ တယ်။

ချစ်စိတ်ကြောင့်ပါပဲလေ
ခေါင်းအခါခါ ခါမိ၊ သက်ပြင်းအခါခါ ချမိတာ
ချစ်စိတ်ကြောင့်ပါပဲ
ဒီလူတွေ ဆိုးယုတ်သမျှ ငါ့ရင်ဘတ်မှာ ဒဏ်ရာနက်နက်ကြီးတွေ ဖြစ်ဖြစ်သွားတာ
ဒီချစ်စိတ်ကြောင့်ပါပဲလေ
မနေနိုင်မထိုင်နိုင် ဒီကဗျာကို ရေးနေမိတာပေါ့

နွေဦးရေ...
ငါတို့ကမ္ဘာမြေ ...ဒီကျိန်စာကပျယ်ဖို့
သွေးတွေ ဘယ်လောက်များများ ကုန်ဦးမှာလဲကွာ?

Read more...

စိတ်ပျက်ခြင်းတွေ ထူးထူးချွန်ချွန် (၂)

>> Tuesday, December 15, 2009

နေ့ရက်တွေ တစ်ရက်ပြီးတစ်ရက်ဖြတ်သွား
ဒီဇင်ဘာတွေ ကြွေကုန်ပြီ ဒီဇင်ဘာရေ
ငါကတော့ ဒဏ်ရာရ ကြောင်တစ်ကောင်လို အခန်းအောင်း
ငါချွန်ခဲ့တဲ့ မြှားတွေလည်း တုံးခဲ့ပေါ့
စိတ်တွေလေတယ်
အတွေးတွေလေတယ်
ထုံးထိုင်းမှုတွေက အစွန်းရောက်အောင်ကို ချွန်ထက်ပြ
ဘဝက စိတ်ပျက်ခြင်းတွေ ထူးထူးချွန်ချွန်

Read more...

ဒီဇင်ဘာ

>> Monday, December 7, 2009

ဒီဇင်ဘာက ပြက္ခဒိန်ပေါ်ကနေ ငါ့ကို ပေစောင်းစောင်းကြည့်တယ်
ဟုတ်ပါ့… ငါကလည်း အမှတ်တမဲ့ မေ့နေတယ်
ရာသီဥတုကိုက သတိမမှုမိအောင် ပါးပါးလျလျပဲ ရွေ့သွားနေပေါ့

အံကျလာတဲ့ ခြောက်ကပ်ကပ်အအေးဓာတ်
ရုတ်တရက်ထိတွေ့လိုက်ရတော့မှ ငါလန့်သွားတယ် ဒီဇင်ဘာ
ဖြည်းဖြည်းအေးဆေးပေါ့…
အခုတော့ မင်းက ၀ိဥာည်တစ်ကောင်လိုပဲ သိပ်ခြောက်လန့်တယ်

ငါမင်းကို ရပ်ပြီး ကြည့်ရှုခံစား မနေနိုင်ဘူး ဒီဇင်ဘာ
မနှစ်ကလို ငါမင်းကို ကြိုဆိုမှာမဟုတ်ဘူး
မနှစ်က ဒီဇင်ဘာနဲ့ ဒီနှစ် ဒီဇင်ဘာ
ငါက ပိုပြီး အဆိုးမြင်လာတယ်
ငါက ပိုပြီး အရိုင်းဆန်လာတယ်

မင်းက ထုံးစံအတိုင်း ဖျားနာမှုကို ဆောင်ကြည်းတယ်
ငါကလည်း ထုံးစံအတိုင်း နှာစေးတယ်
အဲဒီယဉ်ကျေးမှုကလွဲရင် … ကျန်တာတွေ
ကွာတယ် … အပုံကြီးကွာသွားတယ်
ငါတို့မှာ အားထားစရာ သစ်ပင်တွေ သိပ်ရှားသွားပြီ
နေကလည်း အညာအတာမဲ့ အပူကြီးပူနေပြီ

ငါတို့ သိပ်အလုပ်များနေတယ် ဒီဇင်ဘာ
မင်းဟာ အခြားလူတွေလိုပဲ ဖြတ်သွားဖြတ်လာ
ဒီထက် အခွင့်အရေး ပိုမရဘူး
အကွာကြီးကွာတဲ့ထဲမှာ ငါ့ရဲ့ နူးညံမှုတွေလည်း မာထန်ကုန်ပြီဆိုတာ
မင်းအခုတွေ့ရပြီ

ထားလိုက်တော့ .. ခွင့်လွတ်ဖို့ ငါ မတောင်းဆိုဘူး
ခပ်ရင့်ရင့်ဆိုပေမယ့် ခပ်နုနုလေး ခဏလောက် မင်းကို ငေးမောမိတာပါ ဒီဇင်ဘာရယ်
ဒီထက်ဘာမှ မပိုပါဘူး
အခု ငါတို့ သိပ်အလုပ်များနေတယ်
အခု ငါတို့မှာ လုပ်စရာတွေ အများကြီးကျန်သေးတယ်
ဟုတ်ကဲ့ … အခုလိုတွေ့ရတာ ၀မ်းသာပါတယ်
ဒါပေမယ့် ကောင်းသောညပါ ဒီဇင်ဘာ…။ ။

2008

Read more...

လက်ရှိအခြေအနေ

>> Friday, November 27, 2009

ရာသီဥတု မကောင်းလို့
ငါတို့ အိမ်ထဲက အိမ်ပြင်တောင် မထွက်ဖြစ်ဘူး
ငါ့ဦးနှောက်တွေလဲ အေးခဲလို့
ငါ့ရဲ့ကဗျာတွေ ဘာဖြစ်သွားလဲ ဘယ်မှာလဲ

သက်ပြင်းငွေ့ငွေ့နဲ့
အရူးတစ်ပိုင်း၊ အရူးနှစ်ပိုင်း
တစ်လုံးမှ မူးမယ်ဆိုလဲ တစ်လုံးချကွာ
ငါကတော့ မသောက်ဘဲ ချာချာလည်တဲ့ကမ္ဘာမှာ
အမုန်းတွေ မရှိသင့်ဘူးဆိုတာကို ဟားတိုက်မယ်
လာရိတဲ့ သူငယ်ချင်းကို ပယ်ပယ်နယ်နယ် ဆဲမယ်
ဆင်ခြင်တုံတရားနဲ့ အိမ်ကိုလွမ်းမယ်
လေဒီဂါးဂါးနဲ့ ရှက်ကီရာကို သောက်မြင်ကပ်မယ်

ကိုယ်ဖက်ကို ကိုယ်ယက်ဖို့ ငါတို့မှာ ခြေနှစ်ဖက် လက်နှစ်ဖက်နဲ့
နှစ်ဖက်ရှတတ်တဲ့ မာနတွေနဲ့
ဘ၀ကို ခုတ်ထစ်ဖြတ်ပိုင်းပြီး တစ်ပိုင်းချင်းဆီ မဝေငှနိုင်ဘူး
မကျေနပ် လေဖြတ်ပေါ့
ဘ၀တွေက အခြားကြီး

ကိုယ့်အပူ သူ့အပူ ဘာလို့ အကူးဆက်ခံမလဲဗျာ
နေသာသလိုနေ ... ထမ်းမထားနဲ့ တဲ့
ဟုတ်ကဲ့
နေသာသလိုနေပါတယ်... ထမ်းမထားပါဘူး
သွေးကြောထဲ စီးဆင်းနေတဲ့ အပ်လိုပဲ
ဘယ်အချိန် နှလုံးသားကို ထိုးဆိုက်မလဲ
ဆိုက်ဆိုက်မြိုက်မြိုက်

ရာသီဥတုမကောင်းလို့ပါ
ဒီကဗျာကြောင့် ခေါင်းကိုက်သွားတယ်ဆိုလဲ
ခွင့်လွတ်ပါ သူငယ်ချင်းတို့
ကိုယ့်အပူ သူ့အပူ ဘာလို့ အကူးဆက်ခံမလဲဗျ... နော်

Read more...

ဒိုင်ယာရီ

>> Sunday, October 25, 2009

ဘယ်တော့မှ မရပ်တဲ့ ရထားတစ်စင်းပေါ်မှာ
ငါတို့အားလုံး စီးနင်းလိုက်ပါခဲ့ကြသလိုမျိုး
ကြွင်းကျန်ရစ်ခဲ့တဲ့ ဘူတာတွေ

မကျေနပ်စရာအကြောင်းမရှိပါဘူး
ငါ့ကို ထိုးနေခဲ့ကြတဲ့ လက်ညိုးတွေအတွက်
ဒုက္ခမှာ မပျော်ပိုက်ရင် ဘ၀ဟာ ခြောက်ကပ်နေမှာပေါ့
ဒိုင်ယာရီတွေ မကောင်းဆိုးဝါးပူးကပ်လို့

တကယ့်တော့ အမေရယ်
ကျွန်တော် ခဏခဏ
စိတ်ကူးယဉ်ကြည့်ဖူးတဲ့ ကောင်းကင်ကြီးကိုယ်တိုင်ကိုက
ကျွန်တော့်အပေါ်မှာ
(မညာမတာ) မှောင်မိုက်ခဲ့ဖူးတာပါဗျာ။

Read more...

သတိရခြင်း - ရန်ကုန်

>> Wednesday, September 23, 2009

ငါ့စိတ် အကိုင်းအဖျားလေးပေါ် ရန်ကုန်မြို့ကြီးလာနားတော့
သတိရစိတ်တွေ ကွေးညွှတ်
ငါ့တနင်္ဂနွေတွေ မိုးအုံးခဲ့ပြန်တယ်

မြို့ထဲလမ်းမတွေက အမှတ်တရ သိမ်းထုတ်ထားဖို့ ရှည်လျား
မိုးရေထဲ လ်ိမ်လိမ်မာမာလေး နှစ်မြုပ်နေမယ့် မြို့ကြီးပေါ့
ငါ့ရဲ့ အိမ်လွမ်းနာမှာ မင်းက ဒဏ်ရာအစစ်ပါ ရန်ကုန်

လက်ရှိပြေးလမ်းနဲ့ တသားတည်းဆိုပေမယ့်
အလွမ်းတွေက ထိုးထိုးထောင်ထောင်ရယ်ပါ
ရန်ကုန်ရေ... မင်းဆီမှာ ကျန်ခဲ့တဲ့ ငါ့အိမ်မက်တွေ
တစ်နေ့တော့ ငါပြန်လာယူမယ်

အခုတော့
ပန်းဆိုးတန်း၊ အနော်ရထာ၊ ၂၆လမ်းတွေပေါ်
လမ်းတွေလျှောက်နေချင်တယ်
ငါ့စိတ်ကလေးပဲ လွှတ်လိုက်ပါရဲ့ ရန်ကုန်ရယ်
နောက်မှ တွေ့မယ်။

စိုင်းလောဝ်ပိန်း



စိတ်ကိုင်းဖျားလေးပေါ်
သူလာနားပုံက
တစ်သက်ပတ်လုံးပြန်မပြေးတော့မယ့်ပုံ
ယုံကြည်ချက်ငွေ့အသက်တွေနဲ့
မိုးတွေညို့လိုက်လာခဲ့ပြန်တာ
တစ်နှစ်ပတ်လုံးမိုးရာသီ...

တစ်နှစ်ပတ်လုံးရွာထားမှတော့
အလွမ်းတွေက အပြိုင်းအရိုင်း
ထင်တိုင်းကျဲပေါက်ရောက်နေခဲ့ပြီပေါ့
ခုမှတော့ ..
အိပ်မက်တွေကိုတစ်စစီသိမ်းထုတ်
ကိုယ့်ဘာသာကိုယ်ယက်လုပ်ထားတဲ့
ရန်ကုန်ကိုပဲ ခြုံယူဝတ်ဆင်
ငါ့စိတ်တစပြင်ကိုငါ ယာယီလုံခြုံစေလိုက်ပြီ။
မနော်ဟရီ

Read more...

အသည်းကွဲညရဲ့ အထီးကျန်လမ်းမတွေ

>> Thursday, September 10, 2009

ညက နာကျင်ခြင်းနဲ့ပေါင်းဖက်
ကျွန်တော့်ရဲ့ မရှိခြင်းတွေ အလင်းဆုံးအချိန်လေ
ဒုက္ခတွေ လတ်လတ်ဆတ်ဆတ်ကို လှပါရဲ့
လောကဓံရေ- ခင်ဗျားက အငြိမ်မနေတဲ့ ဆူးပဲ -
ကျွန်တော့် နှလုံးသားထဲမှာ- နက်နက်ရှိုင်းရှိုင်း

ဒီလိုဆိုတော့ အနာဂတ်လည်း အဓိပ္ပာယ် မရှိဘူး
ရှိစုမဲ့စု အိပ်မက်အကျိုးအကြေလေးတွေလည်း အဓိပ္ပာယ်မရှိဘူး
မီးကျိုးမောင်းပျက်နာရီတွေသာ ကြီးထွား
သေရာပါဒဏ်ရာနဲ့ ညတွေ ချည်းပဲ

ထားတော့
အမေ့လျော့ခံ လမ်းမတွေအတွက် ဖြေဆည်ရာ မျက်ရည်မရှိ
အချန်လှပ်ခံမျှော်လင့်ချက်တွေထဲလည်း တစ္ဆေမကြောက်ကျားမကြောက်ပါပဲ
လမ်းတူတယ်ဆိုကြပေမယ့်လည်း ကျွန်တော်တစ်ယောက်တည်း

အမှောင်ထဲ
အထီးကျန်
ခြေရာတွေ မထင်ကျန်စေချင်တော့ဘူး။

Read more...

လိပ်ပြာမလုံတဲ့သူ

>> Monday, September 7, 2009

ဟေ့လူ
ခင်ဗျားအဖြစ်က သနားစရာ
ကိုယ့်နောက်ကျောမှာဘယ်သူရှိသလဲ ခဏခဏလှည့်လှည့်ကြည့်
အဲဒီလောက်ဖြစ်နေရင် နောက်ပြန် လမ်းလျှောက်ပါလား
အခုတော့ ခင်ဗျားက ကြက်ကြီးလည်လိမ်

ဟေ့လူ
ကိုယ့်မျက်ချေး ကိုယ်မြင်မှာစိုးလို့ မှန်တောင်မကြည့်ဘူးတဲ့လား
ဘယ်လိုဘ၀ပေးမျိုးနဲ့ ရတဲ့ ရွှေဥာဏ်တော်ပါလဲနော်
ပုတ်ပုတ်သိုးသိုးနဲ့ ခင်ဗျားရုပ်ကို ရွှေချထားပါလား
ကျွန်တော်တို့မှာ ရယ်ချင်ပက်ကျိ

ဟေ့လူ
ငရဲပြည်ထိ အခေါ်ခံရမှာစိုးလို့
ဓာတ်လှေခါးတောင် သတိလက်လွတ်မစီးဘူးဆို
ဖြစ်နေလိုက်တာပြောပါတယ်
ကိုယ့်အကုသိုလ်ကို ကိုယ် အတော်စိတ်ချ
လိပ်ပြာလေးကိုတောင် လှန့်နေပြီလားဗျာ

ဟေ့လူ
လာမယ်ဆိုရင်
အပြစ်တွေ ပြောင်အောင်ဆေးခဲ့
ကိုယ့်နောက်ကျောကို လုံအောင်ဖုံးခဲ့
ရိုးသားမှုကို ကျောပိုးခဲ့
နောက်ဆို
ကျွန်တော်တို့ မျက်လုံးဒဏ်တွေအောက်မှာ
ခင်ဗျား သေတာထက်ဆိုးသွားလိမ့်မယ်။

Read more...

ရပ်ကြည့်နေရင်း ချော်လဲ

>> Wednesday, September 2, 2009

အိမ်မက်တွေ တောင်လိုရာလိုပုံ
ယုံကြည်ခြင်းတွေ မခမ်းနားတော့ဘူး
ဖြစ်ပျက်သမျှရပ်ငေးနေဖို့ ငါကိုက တတ်နိုင်လွန်းတယ်

ဆင်ခြင်တုံတရားလည်း ချွန်းမအုပ်နိုင်ဘူး
စဉ်းစားဥာဏ်မရှိဘူးလားဆိုတော့လည်း မဟုတ်ဘူး
ဒီနေရာမှာပဲ ရပ်တန်းက ရပ်ရင်ကောင်းမယ်နော်
လုပ်စရာရှိတာ ဆက်လုပ်ဖို့

နာရီတွေ ခပ်မြန်မြန်လည်
ထုံအမှုနဲ့ စီးဆင်း
ခပ်မြန်မြန် ... ခပ်မြန်မြန်
အလွန်လျှင်မြန်စွာ

အခုမှ စနစ်တကျ ချော်လဲတယ်ဆိုတာ

Read more...

ဒုက္ခကိုလွယ်ပြီး အားလုံးအဆင်ပြေပါတယ်ပြောတယ်

>> Wednesday, August 26, 2009

ရှိတဲ့ထမင်းနဲနဲလေးကိုပဲ အများကြီးရှိသလိုအကြာကြီးစားတယ်
ဗိုက်ကလေး မ၀တ၀ကိုပဲ အ၀ကြီးဖြစ်နေသလို ရေသောက်တယ်

ဆရာပြောသမျှ တစ်စွန်းတစ်စကြားပြီး သိသလိုလို ခေါင်းညိမ့်တယ်
တစ်လုံးမှနားမလည်တဲ့စာတွေကို နားလည်သလိုခပ်တည်တည်ကျော်ဖတ်တယ်

ဖြစ်နေပုံများပြောပါတယ်
မိုးရွာနေတာသိရက်နဲ့ ထီးမဆောင်းဘူး
ဖိနပ်ထဲက ခဲလုံး၊ များများနင်းပေးရုံနဲ့ ထွက်မသွားဘူး

မေမေရေ...
ဒီနေ့ကျွန်တော် ကိုယ့်ကိုကိုယ် အမှန်ပြောဖို့ ဘာကြောင့်များခက်နေရပါလိမ့်။
ဒုက္ခကိုမှ အလှဆင်လွယ်ပြီး
အားလုံးအဆင်ပြေပါတယ် ပြောမိတယ်လေ။

Read more...

မှတ် မှတ် ရ ရ

>> Friday, August 21, 2009

မှတ် မှတ် ရ ရ
သူငယ်ချင်းရေ
မနက်ဖြန် ဆိုတာ ငါတို့မပိုင်သေးတဲ့အရာတစ်ခု
ဒီနေ့ဆိုတာလဲမရေ ရာခြင်းများစွာနဲ့
ပြီးသွားတဲ့ မနေ့ကတွေကလဲ မှုန်ဝါးဝါးနဲ့
ပြန်တွေ ကြည့် တော့ လဲ ဘာရယ်မှမဟုတ်ပါဘူးကွာ
ငါတို့ရင်ဘတ်တွေ အခိုးခံ ခဲ့ရတယ်
ငါတို့ကြည်ဖြူစွာနဲ့ဘဲ လက်ပိုက်ကြည့်နေခဲ့တယ်
လိုမှမလိုအပ်ဘဲကွာ..ကလေးတွေလိုအော်မနေတော့ပါဘူး
တစ်ချိန်ကြတော့လည်း လူကြိးဘ၀ စားမြုံ ပြန်စရာပေ့ါ...
ငါဆိုခဲ့သလိုဘဲ
ဘာမှလဲတွေးမထားချင် သလို
ဘာမှလဲမစဉ်းစားထားဘူး
လက်ရှိ အတိုင်းဘဲ
ဝါကျ တစ်ကြောင်းကို အနှောင်အဖွဲ့ကင်းကင်းနဲ့
အဓိပ္ပါယ်ရှိရှိ ဆက်ရေးကြတာပေါ့.....

လက်ရုံး

Read more...

နှစ်နှစ်ဆိုတာ ဘာမှ မကြာဘူး

နှစ်နှစ်ဆိုတာ ဘာမှ မကြာဘူး
ဒီနေ့ဆိုတာက ကြာတယ်

အများကြီးပြောင်းလဲမသွားဘူး ဒီနေရာမှာပဲ ရပ်နေခဲ့တာ
မေးခွန်းတွေ အဖက်ဖက်က ထိုးနှက်
ဒဏ်ရာပေါ် ဒဏ်ရာဖြတ်
ရိုးသားမှုကို အစမ်းသပ်ခံဖို့ ငါတို့ရဲရင့်ခဲ့ကြတာ

ဒီနေရာမှာပဲ ငါတို့ နှလုံးသွေးတွေ မြုပ်နှံခဲ့တယ်
တူးဖော်ကြည့်ကြ
ဒီနေရာမှာပဲ ငါတို့ ခံစားချက်တွေ လေဟုန်စီးခဲ့
ဒီနေရာမှာပဲ လွတ်လပ်မှုကို ရှာဖွေ မြတ်နိုးခဲ့

အများကြီးမဟုတ်ရင်တောင် အထိုက်အလျှောက်တော့ ပေးဆပ်ခဲ့ချင်တာပါ
ရှားပါးလာတဲ့အချိန်တွေနဲ့ ရင်းပြီးလေ

မနှစ်က လက်ရုံးပြောခဲ့သလိုပဲ
ဒုက္ခတွေ ဘယ်လောက်ပဲထက်မြနေပါစေ
ရင်ခုန်သံတွေ လတ်ဆတ်နေသရွှေ့
ငါတို့စာမျက်နှာတွေ ရှိနေဦးမယ်
အသေအချာပါပဲ။

Read more...

ဝံပုလွေများ

>> Wednesday, August 19, 2009

ကမ္ဘာမြေကြီးပေါ်ကို ရောက်လာကတည်းက
လက်သီးကျစ်ကျစ်ပါအောင်ဆုပ်လို့
မကျေနပ်နိုင်တဲ့ ဆာလောင်မွတ်သိပ်မှုနဲ့
သူတို့ … လောကကြီးကိုတစ်ချက်ဝေ့ကြည့်တယ်

ဒီလိုနဲ့
သဘာဝတရားရဲ့ သွေးကြောထဲမှာ
အတ္တတွေပြိုင်ဖို့
သူတို့ တက်တက်ကြွကြွအသက်ရှူမှန်ကြတော့တယ်

အနည်းဆုံးတော့
တဖက်လူကို ထိုးနှက်ဖို့
သူတို့အရေပြားအောက်မှာ
ကိုယ်ပိုင်အမှန်တရားချွန်ချွန်တစ်ခု ဖွက်ထားကြလိမ့်မယ်

ကောက်ကျစ်မှုအကြောင်းပြောတော့ စကားလုံးတွေ သိပ်လှတာပဲ
ထောင်ချောက်ပေါင်းမြောက်များစွာ စကားတွေကြား ဖွက်ထားကြတယ်
ပြုံပြတဲ့အပြုံးမှာ ထက်မြတဲ့ အစွယ်တွေနဲ့

ဟုတ်ကဲ့ … မင်္ဂလာပါခင်ဗျာ …တဲ့။

Read more...

လူပျင်းစကား

>> Sunday, August 16, 2009

ဘ၀နဲ့ လွဲနေတာတော့ ကြာပြီ အဖေ
ပျင်းပျင်းရှိတိုင်း အုန်းလွဲအောင် အိပ်တတ်သူကျွန်တော်လေ
ကြာတော့ လူကိုယ်တိုင်က နှစ်ဆယ်သုံးနှစ်ပိုင်းတစ်ပိုင်း တိမ်းစောင်းခဲ့

အမြင်တွေမှားနေတာလား၊ အမှားတွေ မြင်နေတာလား
ဘယ်ဒင်းက ပိုမှန်မလဲ
အဖြေမရှိဘူးအဖေ၊ ကျွန်တော်က လူပျင်းပါ
ပျင်းလို့ ဘာမှ မပြောပဲ အပြင်ထွက်ထိုင်နေတာ ကြာပြီပဲ

အဖေ အားမလိုအားမရဖြစ်ချင်လည်း ဖြစ်စရာ ကျွန်တော်ပါ
ဘာတစ်ခုမှ ပြီးအောင်မလုပ်ခဲ့သူ ကျွန်တော်ပါ
အသုံးမကျတဲ့စကားလုံးတွေနဲ့ စကားတွေအများကြီးဖြုန်းတီးခဲ့သူ ကျွန်တော်ပါ
အခက်ခဲဆုံး ပထမဆုံးခြေလှမ်းကို
အပျင်းပေါင်းတစ်ထောင်နဲ့ ပေပေတေတေ ကျွန်တော်ငြင်းဆန်ခဲ့ပေါ့
အဖေသာ အနားမှာရှိရင် အဆော်ခံထိမှာ အသေအချာ

ဖေဖေရေ...
သိပ်လှတဲ့ နွေဦးလေးတစ်ခုလောက်တော့
ကျွန်တော်တို့ ပိုင်ဆိုင်လိုက်ချင်တယ်
အဲဒါဆိုရင်ပဲ ကျွန်တော်ရဲ့ ပျင်းရိမှုတွေကို ဆေးကြောသန့်စင်ပြီး
လုပ်စရာရှိတာတွေ အားကြိုးမာန်တက်လုပ်ပစ်လိုက်ပါ့မယ်
ခက်နေတာက အဖေရယ်
နွေဦးကို ဆောင်ကြဉ်းဖို့ ကျွန်တော်က ပျံလွှားငှက်မဟုတ်ခဲ့ပါဘူး
ကံဆိုးတွေ မိုးမှောင်ကျဆဲ...။ ။

Read more...

ဒီကဗျာကို ခိုးပါ

>> Thursday, August 13, 2009

ကဗျာတစ်ပုဒ်ဖြစ်ဖို့ အလွယ်ကလေးပဲဗျ
ငါ့မှာ တအံတသြဖြစ်ရ
တု၊ စု၊ ပြု မဟုတ်တော့ဘူးနော်
တိုက်-ရိုက်-ကူး ဖြစ်နေပါပြီ
တချို့တွေများပြောပါတယ်။

သူနဲ့ ငါ တူတာလည်းမဟုတ်၊ ဆွေမျိုးလည်း မတော်
အဲဒါကို
ငါ့လွမ်းတဲ့အကြောင်းက သူ့လွမ်းတဲ့အကြောင်း
ငါ့မိသားစုက သူ့မိသားစု
ငါ့အမေကလည်း သူ့အမေ တဲ့
မေ့သွားသလားတော့မသိဘူး
အောက်ခြေမှာ ငါ့နာမည်မပါတာကလွဲလို့ ကျန်တာအားလုံးတူတယ်။

အဲဒါလည်းကဗျာဖြစ်တာပဲ
ကိုမိုးလှိုင်ညပြောသလို Copy-Paste ကဗျာလေ
ကိုယ်စား ရေးခိုင်းထားသလိုပဲနော်
ကဗျာ အမြွှာပူးလေးလား

ယူကြဦးမလား ကဗျာ
ဟော့ဒီမှာနော် အားလုံးအတွက် ကဗျာ။

(သက်ဆိုင်သူများသာ)

Read more...

အလွမ်းတွေနဲ့ မျှော်လင့်ချက်မဲ့

>> Friday, August 7, 2009

မင်းဟာ ငါ့ရဲ့ပေါက်ကွဲမှု မီးတောင်
အချိန်ဘယ်လောက်ကြာကြာ လောင်ကျွမ်းအားကောင်းဆဲ

အချစ်ဆိုတာ ဒဏ်ရာနဲ့မှ လှတယ်လို့ ခပ်တည်တည်ပြောခဲ့သမျှ
အခုမှ အလွမ်းတွေနဲ့ အလဲလဲကွဲ
ရှိရင်းစွဲအိပ်မက်တွေ တစ်ပတ်တင်းခဲ့ပေါ့

အရှေ့ဘက်ကောင်းကင်မှာ အလွမ်းတွေ ရေသောက်ဆင်းတဲ့အချိန်လေ
ငါ့ရဲ့အပိုင်းအစလေးတွေ ငါလိုက်ကောက်လို့
မင်းကို သတိရကြောင်း ရေးခဲ့ဖူး၊ ရေးနေဆဲ၊ ရေးနေလိမ့်ဦးမယ်

ငါ့ရဲ့ အလွမ်းတွေ ချန်လှပ်မခံရဖို့
မင်းမှပဲ ကယ်တင်နိုင်လိမ့်မယ်
ငါ့ဘယ်ဘက်ရင်အုံပေါ်က အနွေးငွေ့လေးရေ…

Read more...

တနင်္ဂနွေသားလေးဆီ ရောက်ခဲ့တဲ့ အင်္ဂါနေ့ညနေ

>> Tuesday, August 4, 2009

အမေ့အသိဆီရောက်သွားတော့
ထွက်လာကြိုတဲ့ ပုစုဂရုလေးတွေကြောင့် ငါ့မှာ တအံတသြ
အကြီးဆုံးသားက ကိုးတန်း
အငယ်ဆုံးလေးက ဒီနှစ် တစ်တန်း တက်မယ်
အခု ငါတို့လာကြည့်တဲ့ နှစ်ရက်သားချင်းလေးက ခြောက်ယောက်မြောက်
ရှေ့ကတစ်ယောက်နဲ့ ခြောက်နှစ်ခွဲကွာတယ်တဲ့
တနင်္ဂနွေနေ့မှာမွေးတာ၊ ဒီနေ့က အင်္ဂါနေ့
ပိစိကွေးကြီး၊ ထင်ထားတာထက် ထွားတယ်
ထင်ထားသလောက် ရုပ်မဆိုးဘူး
အဖေက ထွားထွားထောင်ထောင်၊ သူငယ်ချင်းတစ်ယောက်နဲ့ သိပ်တူတဲ့ ဦးလေးကြီး
အမေက ပိန်ပိန်ရှည်ရှည်
ငါတို့တွေ အနွေးထည်လုံအောင် ၀တ်နေရချိန်မှာ
သူတို့လေးတွေက စွပ်ကျယ်လေးတွေနဲ့
ဆော့ကောင်းလို့နေအောင် သိပ်ကျမ်းမာတဲ့ ကလေးတွေ
အဆော့ဆုံးကောင်လေးကို အိုစမာတဲ့
အလတ်ကောင်လေးက ငါ့အမေငယ်ငယ်က အင်္ကျီဟောင်းလေးကို ၀တ်လို့
လေးယောက်မြောက်ကလေးမလေးက
လက်ဆောင်ပေးတဲ့ ရင်ဖုန်းအင်္ကျီလေးကို သိပ်ကြိုက်တာပဲဆိုပြီး
ဘောင်းဘီတိုလေးနဲ့ တွဲတွဲဝတ်သတဲ့
ရိုးရာအရ မိသားစုရှိသမျှလူကုန်နဲ့ လက်ဆွဲနှုတ်ဆက်ရတယ်၊ ပိစိကွေးလေးကအစ
မိသားစု ထွားပုံက အံသြချက်မကုန်
အဲဒါတောင် ပြောသေးတယ်
လမ်းတစ်လျှောက် အိမ်တိုင်း သုံးနှစ်အောက်ကလေးမရှိတဲ့အိမ် မရှိဘူးတဲ့
ပြောသေးတယ်
ဒီလမ်းလေးတစ်ခုမှာတင် ကလေးပေါင်း ၅၀ မကဘူးတဲ့
ပြောသေးတယ်
မြို့နာမည်ကိုက ကလေးမြို့တဲ့လေ
မိသားစုနဲ့ ဘောတစ်သင်းဖွဲ့ဖို့ ကြံရွယ်
ငါတို့ ပြန်တော့
ကလေးတိုင်းလိုက်ပို့၊ တာ့တာ တညီတညာတည်းပြလို့
ဘယ်မြို့မှာမှ ရှာမရတဲ့ ဖော်ရွေအပြုံးကို ဆင်တူ ပြုံးလို့
ညဘက် အမေနဲ့ငါ စကားဝိုင်းလေးထဲထိ သူတို့ ပါလာကြတယ်
ဒီလိုပဲ ကြီးပြင်းခဲ့ကြတာပဲပေါ့၊ မျိုးဆက်ပေါင်းများစွာ
အခုချိန်လောက်ဆိုရင်တော့
အိမ်ရှေ့ ငါတို့ထိုင်ခဲ့တဲ့ နေရာလွတ်လေးမှာ
ငါးယောက်သား စီရရီ တုံးလုံးပက်လက် တိုးတိုးဝှေ့ဝှေ့ အိပ်နေကြရော့မယ်

Read more...

ချည်တိုင်

>> Friday, July 31, 2009

ကာမဂုဏ်က ငါတို့ကို ချည်တုတ်ထားလိုက်တာ ကြိုးကအကြီးကြီး
လောဘရမက်ကလည်း အရင်ဘ၀ကဒိုင်နိုစော ၀င်စား
ကရုဏာရှင်လက်ကမ်းတာတောင်မှ ပျားတုတ်ခံပြီး ပျားရည်စက်ကိုတပ်မက်တုန်း
အချို့ကတော့ ညည်းကြတယ်လေ … စက်ရုပ်ဘ၀ကြီးပါတဲ့
ဘာဖြစ်လဲ
ငါကလည်း အဲဒီစက်ရုပ်ပဲ ဖြစ်ချင်နေတာ
အဲဒီမှာ ငါ့ရည်မှန်းချက်ရှိတယ်
လွတ်လပ်မယ် မျှတမယ်
ဒါပေမယ့်
ငါဖြစ်မယ့် စက်ရုပ်မှာ လတ်ဆတ်တဲ့နှလုံးသားတော့ ပါရလိမ့်မယ်…။

Read more...

စိမ်းလန်းခွင့်မရှိတဲ့ သစ်တော

>> Tuesday, July 28, 2009

ဗိုက်ဟောင်းလောင်းလမ်းမတွေက
နေရာတကာ ရှည်လျားလွန်းကြလို့
အမှောင်ချခံထားရတဲ့ ငါတို့မျှော်လင့်ချက်ကလေးတွေကို
ထုပ်ပိုးပေးပို့လိုက်ပါရဲ့ ငါတို့ရဲ့ ရည်ရွယ်ရာလေးတွေရေ…

အချိန်အဆအချိုးအစား မသိတော့
ဘ၀က အရသာ မကောင်းဘူးတဲ့လား
မိုးတွေ အလကား ချုပ်, ချုပ်သွား
နေတွေ အလကား ထွက်, ထွက်လာ
ငါတို့ကတော့ ပျော်လို့ကောင်းနေကြတုန်းလား

ဝေဒနာကိုယ်ထင်ပြမှ
ငါတို့ကိုယ်ငါတို့ လူနာမှန်းရိပ်မိ
ဒီအချိန်ကျမှ ရှိသမျှအကုန်လောင်း
ဘယ်လိုမောင်း, မောင်း ကံကြမ္မာကောင်းကို မမီတော့ဘူး

လက်ရုံးရေ…
ရာသီဥတုကပဲ ဆိုးရွားလွန်းသလား
ငါတို့ကပဲ ပိန်ညှော်လွန်းသလား
ဘယ်ကြည့်ကြည့် သစ်ငုတ်ပင်တွေချည်းပဲ…

Read more...

ဟာသ

>> Saturday, July 25, 2009

ထင်ထားသလောက်မဆိုးဘူးလား
တက်လာတဲ့ အပွင့်တွေ ဖတ်ခနဲ ပွင့်
ဘ၀က အဆင်ပြည့်နဲ့ အိုကေ
ငါကိုယ်တိုင်ကိုက ဂျိုကာလေ…

Read more...

ရန်ကုန်

>> Wednesday, July 22, 2009

“အထူး” မဟုတ်ရင် အထူးစုတ်တဲ့ ဘတ်စ်တွေ
သူသေကိုယ်သေ ပြိုင်မောင်းတဲ့ ရန်ကုန်ပေါ့
သစ်ပင်ကျိုးတိုးကျဲတဲနဲ့ ခေါင်းမွေးပြောင်နေပုံက
နွေခေါင်ခေါင်မှာ
အသက်ငင်နေတဲ့ မြွေတစ်ကောင်လို ဖျပ်ဖျပ်လူး

အလန့်တကြား လှုပ်ရှား
ရန်ကုန်သူ ရန်ကုန်သားများရဲ့ ရှေ့တန်းစစ်မျက်နှာပြင်
ဘဏ်မှာ ဆာလာအိတ်နဲ့ ငွေအပ်သူနဲ့၊ လမ်းဆုံတိုင်းမှာ တောင်းစားသူနဲ့
အလုပ်နဲ့လက်နဲ့မပြတ်သူမပြတ်၊ အလုပ်က လက်မှာ မရှိသူမရှိ
သူဌေးလား ခွေးလား ရန်ကုန်
ဖြစ်ပျက်သမျှဟာ ကြုံရာကျပန်း

သူခိုးလက်ခံဆိုင်၊ ဘာမဆိုရတဲ့ မှောင်ခိုဈေးကွက်၊
ကြိုက်ရာယူ ၁၀၀၀၊ တရုတ်စာလုံးအကြီးကြီးနဲ့ အပေါင်ဆိုင်၊
လူတွေကားလမ်းပေါ်တက်လျှောက်ရတဲ့ ပလက်ဖောင်းဈေးသည်တွေ
ကားလမ်းတွေပေါ်မှာ ကားမရပ်ရ ဆိုတော့ ပလက်ဖောင်းပေါ်တက်ရပ်တဲ့ကား၊
လမ်းလျှောက်သူတွေကတော့ တ၀ီးဝီးကားလမ်းမပေါ်ဆင်းလျှောက်ပေးရပြန်တဲ့ရန်ကုန်
ဘယ်နေရာကြည့်ကြည့် mp3, mp4, mobile phone ပြင်သည် ဆိုတာချည်းပဲ မြို့ထဲ

အင်းယျားရာဇ၀င်ကိုလည်း မေ့ခဲ့ကြပြီ
RC2လည်း အလယ်တန်းကျောင်းဖြစ်ခဲ့ပြီ
ရှိသမျှအကုန်ရောင်း အိတ်ဟောင်းလောင်းနဲ့ ရန်ကုန်ပါ
အနာက မကျက်ဘဲ အပေါ်ယံပဲတင်းနေတဲ့ ရန်ကုန်ပါ
မကောင်းမှုကို ဇောင်းပေးခံရတဲ့ ရန်ကုန်ပါ

ဒေါသနဲ့ ဟာသနဲ့
ဂတုံးပေါ် ဂတုံးက ထိပ်ကွက်
လူမမာလို အသံရှုသံမမှန်
ကောင်းကင်ကြိုးတန်းပေါ် လမ်းလျှောက်
ရန်ကုန်ဟာ လေးထောင့်ဆန်တယ်ဆိုတာ သက်သေပြစရာမလိုတော့။ ။

Read more...

ကလေးမြို့

>> Wednesday, June 24, 2009

ဂျိုးငှက်ငယ်လေးတစ်ကောင်လို
သူ့အတောင်ပံထဲ သူ့ခေါင်းသူထည့်ဝှက်လို့
မနက်ခင်းတုန်းက သူအိပ်မောကျနေလိုက်တာ တိတ်ဆိတ်လို့
အခုတော့
သူရုန်းကန်လှုပ်ရှားနေပုံက
အသံပိတ်ထားတဲ့ အနှေးပြကွက်တွေလို
မြို့လယ်ခေါင်က မြင်းစီးကြေးရုပ်ကြီးတောင်
ဆိုင်ကယ်စီးသူ စက်ဘီးစီးသူတွေကို ကြည့်ပြီး
စိတ်ပျက်လက်ပျက်ဖြစ်နေလိုက်တာ ကိုးယိုးကားယားကြီးပေါ့
နေကြာပန်းတွေ ကျောခိုင်းရာအရပ်မှာ
တောင်တွေအထပ်ထပ်ကို သူ့ဘေးပတ်ပတ်လည်မှာ နေရာချလို့
သူ့အိမ်သေးသေးလေးကို သူ့ဘာသာသူဆောက်ပြီး
မျှော်လင့်ချက်တွေ သီးပွင့်မယ့် မနက်ဖြန်ကို စောင့်လို့နေရှာတယ်လေ

Read more...

သူငယ်ချင်း

>> Monday, June 22, 2009

မင်းပျော်ချင်ယောင်ဆောင်တော့ ငါမှာ အနေရခက်တယ်
ပူလောင်မှုကို ငါသိပါတယ်
ငါအပါအ၀င် လူတိုင်း၊
အဲဒီပူလောင်မှုမှာ အေးအေးချမ်းချမ်းနေချင်ကြပါတယ်
ဒါပေမယ့် မင်းကတော့ မအေးချမ်းဘူး
မင်းခေါင်းမာမှုကတော့ မင်း “ထရိတ်မတ်” နဲ့မင်းပဲ
ပတ်ဝန်းကျင်ကို မင်းရော ငါရော ခါးခဲ့တာ အတူတူ
ကိုယ့်တော်လှန်မှုမှာ ကိုယ့်ဘာသာအောင်မြင်တယ်ထင်ခဲ့ကြတာချည်းပဲ
ဒါပေမယ့်ကွာ
မင်းယဉ်ကျေးမှု မင်းပြန်ဆန်းစစ်ဦး
ကြားရတာတော့ မင်းအမေလည်း မျက်ရည်နဲ့ မျက်ခွက်
မင်းညီလည်း မျက်နှာမကောင်းဘူး
မင်းစကားတွေ ကျွံခဲ့သလား
ကျောင်းတုန်းကလို အဆင်မပြေတိုင်း ၀ူးဝူးဝါးဝါး လုပ်တုန်းလား
မင်းပြေးဝင်ခဲ့တဲ့ ဘ၀ကို အဲဒီလို ရင်ဆိုင်လို့မရဘူးဆိုတာ မင်းသိကြောင်း ငါသိတယ်
မင်းအင်တာနက်မှာ ဆော့နေကျ “ထောင်ထဲမှာ ရုန်းကန်ရတဲ့ ဂိမ်း” လို
မလွယ်ကူဘူး၊ ခိုးဆော့လို့မရဘူး။
မင်းဘာသာမင်းချည်မယ့် ကြိုးမှာ မင်းရှိရမယ့်သတ္တိကို
ချီးကျူးစရာ ဂုဏ်ယူစရာဖြစ်အောင်လုပ်ရမှာ
အခုတော့ မင်းက ခြေစုံကန်တယ်
သူငယ်ချင်းတချို့က တအံတသြ
သူငယ်ချင်းတချို့က လှောင်ရယ်
သူငယ်ချင်းတချို့က ပက်ပက်စက်စက်ဝေဖန်တယ်
ငါကတော့ မင်းရယ်သံတွေ နားထောင်ပြီး နာနာကျင်ကျင်
မင်းတကယ်ရယ်နေတာလား
ငါ သိတာပေါ့၊ မင်းခြေထောက်တွေငါမြင်နေရတာပဲ
ငါတို့က ငယ်ငယ်တည်းကပေါင်းလာတဲ့ မြွေတွေပဲကွာ
အခုအခြေအနေက မိုးထဲရေထဲမှာတဲ့လား
အခိုက်အတန့်လေး သတိတော့ထားပေါ့ကွာ
ဒီတွင်းဘယ်လောက်နက်နိုင်မှာမို့လဲ၊ ငါတို့ကပိုနက်ပြီးသားပဲမဟုတ်လား
မင်းနဲ့ငါရဲ့ နောက်ဆုံးခွက် တစ်ချက်တည်းမော့တွေလိုပဲ ခပ်ပြင်းပြင်း
နောက်တော့လည်း ဒါတွေက လူအိုကြီးတွေရဲ့ စမြုံ့ပြန်စရာဖြစ်လာမလား
အခုတော့
မင်းရဲ့ အပျော်တစ်ဝက် စိတ်ညစ်မှုတစ်ခြမ်းမှာ
အပျော်မှာပဲ နေထိုင်နိုင်ပါစေ သူငယ်ချင်းရေ…။

Read more...

ငါက ငါ့ရဲ့ သေကြောင်းကြံစည်မှု

>> Saturday, June 13, 2009

မင်းလုပ်ချင်တာသာလုပ်တော့
ငါက ငါ့ရဲ့ သေကြောင်းကြံစည်မှုပဲ
လက်ကောက်ဝတ်ပေါ်ကဓားလား၊ ဘ၀လား
ငါ ကြိုက်တာရွေးပဲ

စိတ်ဓာတ်ကျနေပုံက
ကိုယ်နှုတ်အမူအရာတွေတောင် ဆွံ့အ
နှုတ်သီးလဲ မဟောင်နိုင်တော့ဘူး
စိတ်ဓာတ်ကျနေတာဟေးးး
စိတ်ရှည်တာ၊ သည်းခံတာနဲ့ မမှားလိုက်ကြနဲ့ဦး
သိပ်ကိုတုံးတာပဲဆိုလဲ ၀န်ခံရတော့မယ်

အန္တရာယ်က ဟန်ကျပန်ကျ ရှိနေပြီ
ဟိုအခန်းထောင့်က သေမင်းနဲ့ငါ
သံခင်းတမန်ခင်း မရှိတော့ဘူး

Read more...

အိမ်ပြန်လမ်း

>> Wednesday, June 10, 2009

အိမ်အပြန်လမ်းက အပေ့ါပါးဆုံးငှက်တောင်မွေးလေးလိုပဲ လေထဲဝဲ
ချစ်သူဆီ အတော်ဖြန့်တဲ့လမ်းမှာ ရှိသမျှပန်းတိုင်း အ၀ါရောင်
ကားဘီးတစ်ပတ်လိမ့်တိုင်း ငါ့နှောင်ကြိုးတစ်ပတ်လျှော့
နာရီတစ်စက္ကန့်ခေါက်တိုင်း ငါ့ရင်ဘတ်ပြုတ်ပြုတ်ကျ
“အန္တရာယ်အကွေ့”
“ယဉ်တိမ်းမှောက်မှု မကြာခဏဖြစ်သည်။ ဖြေးဖြေးမောင်းပါ”
သတိပေးဆိုင်းဘုတ်တွေလည်း အ၀ါရောင်လှ
တစ်ကွေ့ပြီးတစ်ကွေ့
တစ်တောင်ပြီးတစ်တောင်
ဒီလောက်ပေါ့ပါးတာ မရှိခဲ့ဘူး
ငါဟာ လွှင့်မျှောလိုက်ပါ
ခရီးလမ်းရဲ့ဟိုဘက်က ချစ်သူဆီ

Read more...

အချိန်ကို ဖုန်ခါပြီး အမှတ်တမဲ့

>> Friday, May 29, 2009

အချိန်က အကောင်းဆုံး ဆေးတစ်ခွက်
လူတွေက ဒီလိုပြောကြတယ်
အမှန်တော့
အချိန်က အကောင်းဆုံး ယိုယွင်းပျက်ဆီးခြင်းပဲ
အချိန်က အကောင်းဆုံး သေခြင်းတရားပဲ

အချိန်ဆိုတာ
ငါ့လက်ကြားထဲက လွတ်ထွက်သွားတဲ့ လေပြေလေးလိုပဲ
ဘယ်တော့မှ ဖမ်းမမိခဲ့
ငါတို့ဖြုန်းတီးခဲ့တဲ့ အချိန်တွေ…

ကဗျာမရေးခဲ့တဲ့အချိန်တွေကို နှမြောတယ်
ရယ်မောခွင့်မရှိခဲ့တဲ့အချိန်တွေကို နှမြောတယ်
ရယ်မောအောင်လုပ်မပေးနိုင်ခဲ့တဲ့ အချိန်တွေကို နှမြောတယ်
ချစ်ခြင်းမေတ္တာမရှိခဲ့တဲ့ အချိန်တွေကို နှမြောတယ်

ဒီလိုနဲ့ … ဘ၀ဆိုတဲ့တွင်းနက်ကြီးက အချိန်တွေကို ဆုပ်ယူသွား
အပြည့်ဝဆုံးအချိန်မှာမှ ပေါက်ကွဲပျက်ဆီး အသစ်ပြန်ဖြစ်
ဒီလိုနဲ့ … နာရီတွေ တစ်လုံးပြီးတစ်လုံးပျက်သွားခဲ့

နောက်ဆုံးရထားတွေ တစ်စီးပြီး နောက်တစ်စီး…
အမှောင်တွေမလာခင်
ငါတို့ ခိုးယူထားခဲ့မိတဲ့ အချိန်တွေ ပြန်ဆပ်ဖို့
အသေအချာ လိုအပ်ခဲ့ပြီ။

Read more...

အိမ်

>> Sunday, May 24, 2009

သိပ်နွေးထွေးတဲ့ အိမ်လေး… ငါနဲ့ဝေးရာဆီ ပြေးထွက်သွားတယ်
ငါ့မှာ သူ့ရဲ့ ခြေရာလက်ရာလေးတွေ တသသနဲ့ ကျန်ခဲ့ရ
နံနက်ခင်းရနံ့တွေ မလတ်ဆတ်တော့ဘူး

အိမ်မဟုတ်တဲ့ အိမ်တွေမှာ လူတွေဘာကြောင့် ဒီလောက်များနေရသလဲ
ဆင်းရဲဒုက္ခကို သွေးနဲ့ မြည်းလို့
ငါ… သူတို့သတ္တိတွေကို တလေးတစား ဦးညွတ်လိုက်ပါရဲ့

စိုင်းဝင်းမြင့်ရဲ့ လိုရာမရောက်တဲ့ သစ်ပင်
ဆရာမြသန်းတင့်ရဲ့ ရွှေပြည်တော်မျှော်တိုင်းဝေး
သူများစကားလုံးတွေ ငါယူသုံးတယ်
ငါ့ရင်ဘတ်မှာ အံဝင်ဂွင်ကျ

လိုအပ်တဲ့ မိုက်မဲမှုက ရောက်မလာဘူး
ဆင်ခြင်တုန်တွေ ထမ်းထားရတာ ပခုံးလဲ စုတ်နေပြီ
သည်းညည်းခံမှုတွေက မွဲပြာပုဆိုး
ဘ၀က ပါးပါးလျလျ ဒိုးယိုပေါက် ဟောင်းလောင်း

တော်ပြီ!!!
စေ့ဆော်တဲ့ စိတ်နဲ့ ငါလွှတ်ထွက်သွားတယ်
အထိန်းအကွပ်မရှိတော့ဘူး
ဖျားနာနေတဲ့ လူ့အဖွဲ့အစည်းရဲ့ အဝေးကို
“ငါမှ ငါ”များရဲ့ အဝေးကို
ငါ့အတ္တရဲ့ အဝေးကို

ပျောက်ဆုံးနေတဲ့ အိမ်လေးဆီကို …

Read more...

ရှုံးပွဲ

>> Wednesday, May 20, 2009

ငါက ကံမကောင်းခြင်းပခုံးနဲ့
နတ်ပြည်ကို ထမ်းထားချင်တဲ့ကောင်မဟုတ်ပါဘူး
ဒါပေမယ့် ငါ့ဆီမှာ
ဂျိုကာ ကန့်လန့်နဲ့ ရှုံးတဲ့ပွဲတွေလည်း ရှိခဲ့တယ်
ဓားမရေပေါ် အဖြစ်တွေနဲ့လည်း ကြုံခဲ့တယ်
ဒါတောင် ငါကိုက အမှတ်သညာမရှိဘူး
စကြာဝဋ္ဌာတစ်ပတ်အပြည့်မှာ
ကံကြမ္မာကို လမ်းစဖျောက်ပစ်ခဲ့ဖို့ ကြီးကြီးကျယ်ကျယ် ကြံစည်
မေ့လွယ်ပျောက်လွယ် နာမည်တစ်လုံးက ချည်ပြီးတုတ်ပြီး
မာန်မာနတွေ တပြုံကြီးထိုးသွင်း ပညာပြလိုက်တော့
ငါ့ကိုငါ မမေ့ဖို့ မြေပြင်ပေါ်က အရှိတရားငါလေးကိုပဲ
ခက်ခက်ခဲခဲ အသက်ဓာတ်လို ဖက်တွယ်ထားရပြန်ပေါ့
ဒါပေမယ့်လည်း သတိလက်လွတ်ညနေခင်းတွေအတွက်
ခေါင်းငိုက်စိုက်ခဲ့ရတဲ့ ညပေါင်းများစွာ
ဒဏ်ရာတွေ ကန့်လန့်ဖြတ်၊ တစ်ချို့က ထပ်တူ
ပြောခဲ့ပြီးပါပြီကော
ငါကိုက အမှတ်သည်းခြေမဲ့တယ်ဆိုတာ
ကစားပွဲဥပဒေသတွေ မသိဘဲ ရမ်းကစားမိလေသလား
ဒေါသထွက်တဲ့ကောင် ရှုံးကြေးဆိုတဲ့ ပွဲတွေမှာ…။

Read more...

ချစ်သူစိတ်ကောက်တဲ့ညမှာ ကျွန်တော်ဟာ ပလုံစီနေတဲ့ မေးခွန်းလေးတွေပါ

>> Monday, May 18, 2009

စိတ်ညစ်လို့ အိပ်ပစ်လိုက်တဲ့ညပေါ့
ကြယ်တွေတောင် ခေါင်းခဲအောင် စဉ်းစား
ငါ့ချစ်သူကို ဘယ်လိုချော့ရမလဲဆိုတာ

ချစ်သူစိတ်ကောက်တော့ သိသာတယ်
ပွင့်လင်းဖော်ရွေတဲ့ မျက်နှာလေး တည်သွား
ဖုန်းဆက် / စကားပြော - တစ်ခွန်းမေး တစ်ခွန်းဖြေ
ငါကလည်း လိုရာမပေါက်ဘူး

စကားနှစ်ခွန်းနဲ့ ဂျာအေးကို သူ့အမေရိုက် ချာချာလည်
အမယ်ဘုတ်တောင် သူ့ချည်ငင်နဲ့ အဆင်ပြေသွားပြီ
ငါကတော့ ဝေတုန်း ၀ါးတုန်း

ဒီလိုညမျိုးကတော့ အိမ်မက်ဆိုးပဲ
ခြင်ကပဲ ပိုကိုက်နေသလား၊ နွေကပဲ ပိုပူနေသလား
အိပ်ယာက သဲတရှပ်ရှပ်၊ ခေါင်းအုံးက ဖုထစ်ဖုထစ်
ဟာ…
တစ်ခုခု အဆင်ပြေမနေတာတော့ သေချာတယ်

နာရီတွေ မလည်တော့ဘူးလား
တကယ်ဆိုရင် မနက်ဖြန်ဆိုတာ ကျောချင်းကပ်လျက်နဲ့ အဝေးကြီး
ဒီလိုနဲ့… ဒီလိုနဲ့… ဒီလိုပါပဲ

ခွင့်လွတ်ပါချစ်သူရယ်၊ ကိုယ်က တုံးတယ်

Read more...

သူငယ်ချင်းတွေနဲ့ တစ်ကွေ့

>> Thursday, May 14, 2009

အားလုံးစွန့်ခွာသွားလည်း
ရှိနေဦးမှာပဲဆိုတဲ့အတွေးနဲ့
ငါလှုပ်ခတ်တိုင်း မင်းပဲ ကဗျာ။

၁၉၉၈ ခုနှစ်က ပိုးတုံးလုံးလေး
၁၉၉၉၊ ၂၀၀၀၊ ၂၀၀၁၊ ၂၀၀၂ …
ငါတို့ တောင်ပံတွေ ပြိုင်တူ ခတ်ခဲ့ကြ၊ သူငယ်ချင်းတွေ
အဲဒီတုန်းက သိပ်စည်းလုံးခဲ့ကြတာ…
ကဗျာဟာ ငါတို့အာဟာရ
ကဗျာဟာ ငါတို့ယဉ်ကျေးမှု
ကဗျာဟာ ငါတို့ရဲ့ မျှော်လင့်ခြင်းအနာဂတ်

အိမ်က ရာဇသံနဲ့ ပိတ်ပင်ထားတာတောင်
ထွက်ဖြစ်အောင် ခိုးထုတ်ခဲ့ကြတဲ့ ကဗျာစာအုပ်တွေ…
ရောင်းစရာလူမရှိလည်း
အိတ်စိုက်ပြီး ရဲရဲထုတ်ဖြစ်ခဲ့တဲ့ ကဗျာစာအုပ်တွေ…
အိပ်ရေးပျက်ညပေါင်းများစွာနဲ့
ကိုယ်တိုင်စာစီရိုက် ကိုယ်တိုင်ဒီဇိုင်းဆွဲခဲ့ရတဲ့ ကဗျာစာအုပ်တွေ…
ကျောင်းထုတ်ခံရဖို့ သီသီလေးလွတ်ရုံ သူငယ်ချင်းရေးခဲ့တဲ့
အမှန်တရားတစ်ထပ်နဲ့ ကဗျာစာအုပ်…
နောက်ထပ်…နောက်ထပ်တွေ…
ငယ်ရွယ်တက်ကြွမှုနဲ့
ငါတို့၊ ကဗျာမှာ လက်ရဲဇာတ်ရဲခဲ့ကြတယ်

အခုတော့ ဒါတွေဟာ
ကြားကောင်းရုံပုံပြင်
လက်ဖက်ရည်ဆိုင်ထိုင် ရှေးဟောင်းနှောင်းဖြစ်

တစ်ချို့က ကဗျာကို ဘီယာနဲ့လဲသောက်တယ်
တစ်ချို့က နွေးထွေးတဲ့ မိသားစုဘ၀မှာ
ကဗျာကို မလိုအပ်တော့ဘူးထင်နေပြီ
တစ်ချို့က ကဗျာကို မေ့တယ်/ မေ့ပစ်လိုက်တယ်
တစ်ချို့ဆီမှာတော့ ကဗျာ ကွယ်တယ်

ဟေးးးးး
ငါကပဲ ရူးမိုက်နေတာလား
မင်းတို့ကပဲ လိမ္မာသွားကြတာလား
သူငယ်ချင်းတို့ရေ
မင်းတို့နေ၀င်သွားသလောက်
ငါကတော့ နေမြင့်နေဆဲ / ဆက်ပြီးနေမြင့်နေဦးမှာပဲလို့
ငါ့ရဲ့ ကဗျာသွေးကို အရူးသွေးလို့ မင်းတို့ခေါ်ဝေါကြတော့မလို့လား
ကဗျာဆိုတာ ငါ့စိတ်ရဲ့ သေရာပါ အသားပို…

ငါကတော့ဆက်ရေးတုန်းပဲ ကဗျာ။

(ကဗျာကို စွန့်လွတ်သွားခဲ့ကြသော သူငယ်ချင်းများသို့ အမှတ်တရ)

Read more...

အရှုံးသမား ၃

>> Thursday, May 7, 2009

ကိုယ့်မှာတော့ ထမ်းထားလိုက်ရတဲ့ မျှော်လင့်ချက်ကြီး
ပျော်ရွှင်ခြင်းတွေ တောင် မြေကြီးနှစ်ဝင်သွားတဲ့အထိ
ဘ၀ရဲ့အကိုင်းအခက်တစ်ချို့တောင် ဆွေးမြေ့ပုပ်ရိသွားတဲ့အထိပေါ့
ပြီးတော့လည်း ရိုက်ချခံရ
ဘ၀တစ်ခုလုံး ငါ့နှလုံးသားထဲမှာ ပြန့်ကျဲလို့
မှန်ကွဲစတွေလို အသားစိုက်
မြှားရိုင်းတွေလို ထုတ်ချင်းခတ်
ငါ့ရဲ့ အသုံးမကျတဲ့ ဦးခေါင်းဟာလဲ ကမ္ဘာလို ချာချာလည်ခဲ့ပြီ။

Read more...

အရှုံးသမား ၂

မနက်ဖြန်မှာ ပြန်မွေးဖွားဖို့အတွက်
ညက ငါ့ကို ကိုယ်ဝန်ဆောင်ထားတယ်
ဘယ်လိုသေချာခြင်းမျိုးတွေနဲ့ ပြန်လည်ထောင်မတ်ရမလဲ
လဲကျသူမှာ အရှက်ပြေ အရှုံးကိုကောက်ယူလို့
နာကျင်ခြင်းသားပေါက်နှုန်းတွေ တရိပ်ရိပ်တက်လို့
သက်ပြင်းတွေလည်းပွက်ပွက်ဆူကုန်ပြီလေ

Read more...

အရှုံးသမား

ဟောဒီမှာလေ
အရှုံးသမားတစ်ယောက်ရဲ့ ကြေကွဲစတွေပေါ့
သိပ်သည်းဆတွေ ထုနဲ့ ထည်နဲ့…

ရိုက်ချခံလိုက်ရတဲ့ ငှက်လို
ရှက်စိတ်တွေ ရဲရဲနီလို့
ဒီတိုက်ပွဲမှာ ငါမရှုံးခဲ့ပါဘူးလို့ အော်ပြောနေလည်း
လက်နက်ချခဲ့ရတဲ့ လက်တွေက ဗလာနဲ့လေ

နာကျင်စရာတွေ မကျန်တော့အောင်ကို နာကျင်ပစ်လိုက်တာပေါ့
ရင်ဘတ်တစ်ခုလုံး ဂြိုလ်ပျက်ပဲ
တစ်စစီ ပဲ့ ကြေကွဲ လို့

အပြုံးနဲ့ လွှတ်ချနိုင်အောင် ကြိုးစားကြည့်တော့ ဘာရလဲ
ရိုးသားမှုတစ်ကျပ်နှစ်ကျပ်နဲ့ ဟန်ဆောင်ခြင်းရာထောင်ချီ
အရှုံးကို လက်ခံဖို့
ငါ့လက်တွေကို တင်းတင်းကျပ်ကျပ်ဆုတ်ပြီး ငြင်းမိပေါ့
ငါ့ကိုငါ ရာဇ၀တ်မှု ကျူးလွန်နေပြီ …

ကောင်းကင်ကို မော့ကြည့်မိတော့
လ လည်း ပုံမှန်ပဲ
ကြယ်တွေလည်း အရင်အတိုင်းပဲ
လွယ်ထားရတဲ့ အရှုံးကလွဲရင်ပေါ့

Read more...

အလွမ်းကို လုံးကြီးတင်ထားတဲ့မြို့

>> Sunday, April 26, 2009

ချစ်သူအကြောင်း မြို့ကြီးကိုပြောပြတော့
ဒဏ်ရာအနာတရနေရောင်ခြည်အောက်က
အလွမ်းထည့်ခပ်ထားတဲ့ ကျုံးရေတွေတောင် ပွက်ပွက်ဆူကုန်တယ်

သတိရစိတ်က မီးလျှံငှက်တစ်ကောင်လေ
သူထ, ထပျံလိုက်တိုင်း
သောကဖုန်တွေနဲ့ အတော်ကြာအောင် အနည်မထိုင်ဖြစ်နေခဲ့ရတာ ငါပေါ့

ဖုန်းတွေကို အားကိုးမရတဲ့နေ့
အိပ်မက်တွေသာ ဝေးဝေးရောက်သွားတယ်
ငါတို့ အသံတွေကတော့ ဆွံ့အခဲ့ရ

အလွမ်းစွန် အဆွေးအဖျားမှာ ချစ်သူ့နာမည်ကို တိုးတိုးတမ်းတမိတော့
လိပ်ခွေနေတဲ့ ပက်ကြားအက်လမ်းမတွေက လှောင်ရယ်, ရယ်တယ်
ဒေါသနဲ့ တံတွေးတစ်ချက်ထွေးလိုက်မိတော့လည်း
ငါပဲ ပူလောင်ခြင်းတွေ ရွှဲရွှဲစိုရပါလေရော

ချစ်သူရေ...
ချစ်စိတ်တွေ အညှောင်းမိနေပုံက
နာရီလက်တံတွေလည်း နှေး
နားထောင်နေကျ သီချင်းတွေလည်း တစ်မျိုးကြီးဖြစ်နဲ့
ကဗျာတွေပဲ ငေါက်ခနဲထထိုင်တယ်

နောက်ဆုံးတော့
ငါလေ
ဝေဒနာပြမြို့ရိုးမှာ
အစိမ်းဖန့်ဖန့် လွှင့်လို့
အလွမ်းဆိုတဲ့ စာလုံးပေါင်းကို အချစ်နဲ့ ထုစစ်နေလိုက်တော့တယ်။

Read more...

ဇနီးသည်များ

>> Wednesday, April 22, 2009

ဇနီးသည်တစ်စု ၀ိုင်းဖွဲ့စုမိကြတဲ့အခါ ပြောကြတယ်
ကုန်ဈေးနှုန်းတွေအကြောင်း
ကုန်စည် ပစ္စည်းသစ်တွေအကြောင်း
ခင်ပွန်းသည်ရဲ့ အလုပ်အကိုင်အခြေအနေအကြောင်း
သားရေးသမီးရေးအကြောင်း
နောက်
ရွှေငွေ ရတနာတွေအကြောင်းနဲ့
ရယ်စရာမောစရာတွေ … ထပ်ကာ… ထပ်ကာ…

အခြားဇနီးသည်တစ်စု တွေ့ဆုံမိကြတဲ့အခါ ပြောကြတယ်
လမ်းခရီးအခြေအနေတွေအကြောင်း
ခရီးစရိတ်၊ ကုန်ကျစရိတ်တွေအကြောင်း
ခင်ပွန်းသည်ရဲ့ ကျမ်းမာရေးနဲ့ စိတ်အခြေအနေအကြောင်း
နိုင်ငံနဲ့ ကမ္ဘာအရပ်ရပ်က ဖြစ်ရပ်တွေအကြောင်း
နောက်
အားပေးစကားတွေနဲ့
လေးထောင့် နံရံတံတိုင်းတွေအကြောင်း … ထပ်ကာ… ထပ်ကာ…

Read more...

အမေ တ တေး

>> Saturday, March 21, 2009

အထာကိုင်တယ်ဆိုပေမယ့် ဗလာဆိုင်လေးမှာထိုင်နေတာပါ
အရှုံးကို တွက်ကြည့်တယ်။ အ၀င်အထွက်မမျှဘူး။ စာရင်းမကိုက်ဘူး။
မေမေရေ… သားရဲ့အဓိပ္ပာယ်တွေတော့ ယွန်းကုန်ပြီထင်တယ်

ခေတ်ရဲ့ဘေးထွက်ပစ္စည်းတော့ အဖြစ်မခံနိုင်ဘူး မေမေ
မြောင်းဆိုးမြောင်းပုပ်ဆိုပေမယ့်လဲ ဖြတ်စီးရဲရမယ် ပင်လယ်ဆီ
အခုတော့ ပတ်ကျိလို ကွေး၊ တုံ့ဆိုင်း၊ ထုံထိုင်း
ကိုယ့်ကိုကိုယ်အားမရမှုက ကိုယ်ကိုကိုယ်သေကြောင်းကြံစည်မှု
ကိုယ့်ကိုကိုယ်နှစ်သိမ့်မရတော့လည်း
ကိုယ့်ကိုကိုယ် အမွေပြတ်စွန့်လွတ်လိုက်တယ်

ဒီမှာလေ
နောက်ပြန် လှည့်ကြည့်လွန်းလို့
အနာဂတ်ကို ကျောပေးမိသလိုဖြစ်နေပြီ
ဒီမှာလေ
နာကျင်မှုကိုမှ တယုတယလွယ်ထမ်းထား
ဒီမှာလေ
မျက်ရည်နဲ့မျက်ခွက်အထီးတစ်ကောင်

မေမေရေ… ဘယ်နေရာမှာ မှားနေပြီလဲ။

Read more...

တော်တော်မူးနေတဲ့ ကဗျာ

>> Thursday, March 19, 2009

လူကသာ မဟန်တော့တာ
ငါ့ရဲ့စိတ်တွေက လတ်ဆတ်နေတုန်းပဲ
လေးပင်အိကျနေတဲ့ မျက်ခွံတွေ ငါဆွဲမပြီး
ဘောပင်ကို ဖွင့်တယ်
ငါ့ရဲစိတ်ထဲမှာ ဗလာ
အဲဒီ ဗလာ ကိုပဲ ငါရေးချလိုက်တော့တယ် ကဗျာ

Read more...

ငါရူးသွားတဲ့တစ်နေ့

>> Monday, March 16, 2009

ဒီနေ့တော့ ငါရူးနေတာပဲဖြစ်မယ်
မျက်စိနဲ့ တွေ့သမျှ ဘယ်အရာမှ မူမမှန်ဘူး
သိပ်တုံးတဲ့ပုံဖမ်းထားတဲ့ လူလည်စကားလုံးရှင်တွေ
ကားအကောင်းစားမောင်းနေတဲ့ အကြွေးထူသူတွေ
အရိုးပြိုင်းပြိုင်း အမြစ်ရှည်ရှည်သစ်ပင်ပိန်တွေ
ငါတို့လမ်းထဲက နဂို အရူးတောင် ဒီနေ့ အရင်ကလောက် မရူးဘူး

ဒီနေ့တော့ ငါရူးပြီပဲ
ကျီးတစ်ကောင်က ငါ့စိတ်ပေါ်မှာမှ လာနားပြီး တအာအာ
ပေါက်ပေါက်ရှာရှာ ငါ့စိတ်ထဲ ဘယ်က ဧည့်သည်လာမလဲ
တိမ်တွေ… မိုးအုံ့ ရန်ကုန်… အပူကျွမ်းနေတဲ့ မက္ကဆီကို
ခေါင်မိုးပေါ်က အုတ်နီခဲကျိုး… connectionတွေ ကွေးကောက်
ငါ့အော်သံတွေ အဓိပ္ပာယ်တစ်ခုမှ ဖြစ်မလာ
ငါမပြောခဲ့တာ ငါ့စကားဖြစ်
အမေပြောတော့ အရင်နေ့တွေထက် ဒီနေ့ နင်ပိုရူးနေတယ်တဲ့

ဒီတော့ ဒီနေ့ ငါ အသေအချာကြီးကို ရူးတယ်
အပြင်းစားလောင်ကျွမ်း ဘုရားရှိခိုးသံများ ငါ့အတွက်တွေ အထပ်လိုက်ဆုတောင်း
ဒီနေရာကိုရောက်ဖို့ ဘုရားက လွတ်ချခဲ့တာလား၊ ငါတို့က ခုန်ဆင်းခဲ့တာလား
အရူးကို သူရူးထဲမှာမတွေ့တော့ ဒီလူ ရူးနေတာ သေချာသွားပြီလား
အဖြေမရရင် စဉ်းစားမနေနဲ့တော့၊ ကဗျာပြီးအောင် မြန်မြန်ရေး
ခဏနေ ဇာတ်လမ်းတွဲတွေ ကြည့်ရဦးမယ်
အဲဒီထဲက ကောင်တွေက ငါ့ထက်ပိုရူးနိုင်မလား ငါကြည့်စမ်းမယ်လေ။

Read more...

ဖြစ်ကတတ်ဆန်း

>> Thursday, March 12, 2009

ပြီး, ပြီးရောက စာသားရေးတယ်
စိတ်မရှည်က ဆိုင်းဘုတ်ဆွဲ
ကြော်ငြာပါပြီ ဖြစ်ကတတ်ဆန်း

နောက်တော့ သည်းမခံနဲ့တွေ့တယ်
ကိုယ်လျှာကို ကိုယ်ပြန်ကိုက်မိခြင်းမှာ
ကိုယ့်ပါးကို ကိုယ်အကြိမ်ကြိမ်ရိုက်
ဒေါသဖြစ်နေလိုက်တာ လွန်ရော
ဆဲထည့်လိုက်ပါပြီ ဖြစ်ကတတ်ဆန်း

နောက်ဆုံး ခြေမြန်လက်မြန်က မသေမချာပြပွဲကို တင်ဆက်တယ်
အရှိန်အဟုန်နဲ့ ဒဏ်ရာတွေကစဉ်ကလျား ခင်းကျင်းပြသ
ရရှိလိုက်ပါပြီ ထောပနာ ဖြစ်ကတတ်ဆန်း

ဖြစ်ကတတ်ဆန်းအကြောင်း ငါမရေးချင်ဘူး
ရောဂါတွေ အဆီအငေါ်မတည့်
အစိမ်းလိုက်အစားခံလိုက်ရတဲ့ သားကောင်လို
ဖြစ်ကတတ်ဆန်း ငါ့ကဗျာ

Read more...

ငပိန်းရေးတဲ့ ခွင့်လွတ်မှတ်တမ်း

>> Monday, March 9, 2009

ခေါင်းတခါခါ လည်တရမ်းရမ်း
တံတွေးနဲ့ နှစ်သတ်မယ့်သူတွေပါလား
စကားလုံးတွေနဲ့ဆိုတော့လည်း
‘ထိတယ်ဟ’ ဆိုပြီး ဒဏ်ရာကို ပြလို့မရဘူး
ဒီတော့လည်း လျှာတစ်ချောင်းစာ ရေငုံ ပေါ့

ပိုးမွှား အပြည့်နဲ့ ပါးစပ်ပေါက်တွေက
ထိန်းမနိုင်သိမ်းမရ အဓွန့်ရှည်ဦးမယ့် ပုံစံပဲ
လေ ပိစိလေးလျှော့ဆိုလဲ မရဘူး
မညီတာတွေကို အတင်း ညီမျှခြင်းတွေချပြနေတယ်

ကြာတော့လည်း အမှန်ဖြစ်ရော တဲ့
ဘယ်တော့မှ မမှားတဲ့သူတွေပေါ့နော်
ဂုဏ်ယူပါတယ်… နှာခေါင်းရှုံ့ပြီး
တကယ်သဘောကျလို့ရယ်တာပါ…. လှောင်ရယ်မဟုတ်ပါဘူး
ကိုယ့်အိုးကို ကိုယ်လုံအောင်ဖုံးလေ

ဒီမှာတော့ ကုသိုလ်ထူးပုံများ
နားက မကြားချင်ပါဘူးဆိုမှ ပါးပြနေတယ်
သတင်းကလည်း မသိချင်ပါဘူးဆိုမှ မြန်ဆန်တိကျလို့
ဒီတော့လည်း ခွင့်လွတ်ပေးပါတယ်လေ
နားတော့ အဟုတ် လည်မပေးနိုင်ဘူး

မနည်း အသက်မှန်အောင် ရှုနေရတဲ့ နာကျင်မှုလမ်းက အပြုံးနဲ့
ပုခုံးချင်း တဲ့ တိုက်သူတွေကို ခွင့်လွတ်ပေးခဲ့တဲ့ မှတ်တမ်း
ဒီက ငပိန်းဆိုတဲ့အကောင် အခု ရေးလိုက်ပါတယ်ဗျာ
အရာရာ အဆင်ပြေကြပါစေ…လို့

Read more...

နှလုံးသားတစ်ခြမ်း အခိုးခံလိုက်ရတဲ့ မနက်

>> Sunday, March 8, 2009

စံပယ်တွေ အသစ်ပွင့်တဲ့နေ့က
ကံဆိုးခြင်းနှစ်ဆနဲ့ အချစ်က ရောက်လာတယ်
အမှောင်တံတိုင်းတွေ အထပ်ထပ်ကာရံလို့
ဝေးကွာခြင်းမှာလည်း စိတ်ဓာတ်တွေ ပျက်လို့

နိဒါန်းမှာ ပြိုကွဲ’ ခဲ့တဲ့ အပိုင်းအစတွေက အခု ဆူးတယ်
ရူးသွပ်ခြင်း တစ်ဝက်၊ ဆင်ခြင်တုန် တစ်ဝက် ရောလိုက်တော့
အချစ်က သုံးမရအောင် ညစ်ပေကုန်တာပဲ
နိဒါန်းရဲ့ တစ်ဝက်မှာ

ညီမလေးရေ … အချစ်ဆိုတဲ့ ကောင်ကြီးက
ဘ၀ကို အံစာခေါက်သလို ခေါက်တာဟ
အခုကို ငါ့မှာ လိမ့်ပိန့်လို့
ဘာဂဏန်းကျရမှန်းလဲ မသိသေးဘူး

မနီးနိုင်သေးတော့လည်း ဝေးပေါ့ကွာ
ခဏလေးဆိုပေမယ့်
ဒီမှာက တစ်တောလုံး အလွမ်းတွေ ပွင့်ခဲ့

သီချင်းတစ်ပုဒ်လို မချိုတဲ့ မနက်ပါ
စံပယ်တွေ ခါးတယ်
တစ်နွေစာ ပူတယ်
ငါကလည်း အချစ်မှာ ကလေးတစ်ယောက်လို ရူးခဲ့တယ်။ ။

Read more...

အဖေ့အတွက် ကဗျာ

>> Thursday, March 5, 2009

နေထိုင်ရမှုပုံစံက ဖြတ်ညပ်ကပ်ထားသလို ဖုထစ်
လွတ်ငြိမ်းချမ်းသာခွင့်က ကြွေမကျတဲ့အဝေးကကြယ်
ဒီလိုနဲ့ပဲ နေ့ရက်တွေ ဒီရေတက်လာကြပြီ

စိတ်ဓာတ်အားပြိုင်တဲ့ပွဲမှာ ဘယ်တော့မှ နောက်ပြန်မစီးဆင်းဘူး
သွန်ပစ်ခဲ့တဲ့ မိုးခါးရေတွေ ပင်လယ်ဖြစ်လိုက်ကြပေါ့
အပြစ်ဒဏ်တွေကို ရယ်မော ဟားတိုက်

ဒဏ်ရာက လှတယ်လား
မျှော်လင့်ချက်တွေတော့ တဖွေးဖွေးနဲ့ လျှံကျလို့
ဒီလို ဖုန်းဆိုးမြေမှာမှ ဒီလို သစ်ပင် (ငါ့တို့ အရိပ်ရ အသီးစားဖို့တဲ့)
သွေးနဲ့ ချွေးနဲ့ ရှင်သန်ပေါ့…။ ။

Read more...

သော့တစ်ချောင်းကိုကိုင်ပြီး တံခါးပေါက်များစွာမှာ ငိုင်

>> Monday, March 2, 2009

ဘယ်ကို ရွေ့သွားပြီလဲ
နောက်နေ့တွေဆိုတာ မသေချာတော့ဘူး
အမှောင်က လွှတစ်ချောင်းလို တိုက်စား
ခက်ထန်ခြင်းများက အနံ့တထောင်းထောင်းထ
ဒီအဓိပ္ပာယ်ကို ဘယ်လိုစာလုံးပေါင်းရပါ့မလဲ
အခုရေးခဲ့သမျှ တောင်စဉ်ရေမရ အကြမ်းတွေချည်းပဲ
အဆင့်မမီတဲ့ စာကြောင်းဆိုတာ ဘယ်လိုမျိုးကို ဆိုလိုသလဲ
ဥပမာနဲ့ ရှင်းလင်းပြသလို့
နွေကတော့ မရောက်ခင်ထဲက အသားနီလန်နေပြီ
သစ်ပင်တစ်ပင်မှာတောင် လေကြမ်းတိုက်သမျှ အဖျားကပဲ ကယောက်ကယက်
ဆားကစ်ပေါ်က ပြာယာခတ်နေတဲ့ လျှပ်စီးပတ်လမ်းတွေ
စိတ်ကို စိတ်နဲ့ ရှော့ ရိုက်
လေပြေလေးတွေတောင် ချွေးစို့စို့
အဆင်ပြေကြောင်းစာတွေတော့ အစောင်ပေါင်းမြောက်မြားစွာ လက်ခံရရှိပါတယ်
အဲဒါဟာ အဆင်မပြေတာကိုဆိုလိုကြောင်း သူလဲသိ ငါလဲသိ
နှလုံးခုန်သံကို သက်ပြင်းတွေနဲ့ မျို/မျောချနေရ
ရေးပြီးသားစာကြောင်းတွေ ပြန်မဖျက်ပစ်ချင်တော့ဘူး/ ပြန်ဖျက်ပစ်ဖို့ပျင်းလွန်း
နေရတာနဲ့ ရယ်ရတာက ကပေါက်တိကပေါက်ချာနဲ့ တပေါက်ချိကပေါက်ချာ
တကယ်မရယ်ရတဲ့ဟာသကို ရယ်တယ်
တကယ်ရယ်ရတဲ့ဟာသကိုတော့ ခပ်တည်တည်လုပ်လို့
ငါ့အသုဘဖိတ်စာ ငါကိုယ်တိုင် ရိုက်သွားခဲ့ရရင် ကောင်းမလား
အင်…
ရေးတာလဲတော်တော်ရှည်နေပြီ၊ စာကိုဒီမှာပဲ ရပ်လိုက်ကြစို့
အဓိပ္ပာယ်တစ်ခုဆီကို မရည်ရွယ်တဲ့ကဗျာ အခုရေးခဲ့ပြီ

Read more...

ညနေအသစ်တွေ

>> Thursday, February 26, 2009

ညနေအသစ်က လှတယ် … နာနာကျင်ကျင်
အဓိပ္ပာယ်မဲ့လွန်းလို့ နှစ်တွေတောင်ကွဲရှကုန်တယ်… ကြေကြေကွဲကွဲ

မခံနိုင် ရှိရိုးလား…
ခေါင်းဖြတ်ခံရတဲ့သူကိုမှ ဂုတ်ထပ်ချိုးတယ်
အကြိမ်ကြိမ်အခါခါ သေဆုံးခြင်းမှာ ငါတို့ ရှင်သန်ကြရ
ကယောက်ကယက်အိပ်မက်တွေတောင် အသံမကျယ်ရဲဘူးတဲ့

ကွဲခဲ့ရတဲ့ နှလုံးသားတွေ ဖြန့်ခင်း
ငါတို့သွေးကြောထဲမှာ လင်းတဲ့ လွတ်လပ်ခြင်းတွေရဲ့ ပျံသန်းခွင့်
ခေတ်က ခေတ်ကို အဓိပ္ပာယ်လွဲ၊ အယူမှား
အဖြေရှိရက်နဲ့ အဖြေမရခဲ့တဲ့ မေးခွန်းပေါင်းများစွာ
ငါတို့ မူးသမျှ စိတ်တိုင်းကျ အန်ချလို့မရခဲ့ဘူး

(၄)နှစ်…
ညနေအသစ်တွေ တဖျတ်ဖျတ် လွင့်ထွက်အိုဟောင်းသွား
ဆုပ်ကိုင်ထားသမျှ ထိုးထွက်လာတဲ့ သံသယတွေကို ဖိသိပ်
ဘ၀ဆိုတဲ့ တိုလီမုတ်စလေးက အဓိပ္ပာယ်မဲ့တယ်ဆိုတာထဲ ထဲထဲဝင်ဝင်…။ ။

Read more...

ဟိုအရင်ကဒုက္ခ အခုတော့ လွမ်းမောစရာဟာသ

>> Tuesday, February 24, 2009

မနက်အစောကြီး မထချင်ဘူးလို့ တညည်းညည်းတညူညူ
တစ်တိုးတိုးတစ်ဝှေ့ဝှေ့နဲ့ပဲ ကျောင်းရောက်ခဲ့
နယ်နှင်ခံဒုက္ခတွေရဲ့အထာနဲ့
ကျောင်းက ရူးလောက်အောင် နေပူတယ်
နေပူထဲ အပျက်ပျက် တကျက်ကျက်နဲ့ပဲ
ကိုယ်တိုင်ပျိုးအရိပ်တွေမှာ တစ်ပြုံးပြုံးနဲ့ ခိုတယ်
ကန်တင်းမှာ တအုံးအုံးတညံညံနဲ့ သူထက်ငါအလုအယက် မှာလိုမှာ
အတန်းပြေးလို့ Roll Call မပြည့်သူမပြည့်
စာမကျက်ချင်ပါဘူးလို့ ခေါင်းတစ်ခါခါလည်တစ်ခါခါနဲ့ပဲ
ဟိုဘက်လှည့်ဒီဘက်လှည့် ကျူတိုရီယယ်တွေ ဖြေခဲ့ကြ
ရေးဖြေတွေဆို မကြောက်သမျှ နှုတ်ဖြေတော့ ငါတို့တွေ ကျွတ်တယ်
ခုံအောက်မှာ ဖိနပ်မှောက်သူက မှောက်
ဆရာ မမြင်အောင် ရှေ့ကလူကိုယ်လုံးနဲ့ ကွယ်သူကကွယ်
ဆရာနဲ့ မျက်လုံးချင်းမဆုံအောင် ခေါင်းငုံ့သူက ငုံ့
မေးမှ ရှာကျက်ရတဲ့အဖြေ … ငါတို့ မယုံမကြည်နဲ့
သင်တုန်းက ငိုက်ထားသမျှ အခုမှ ဇောချွေးလေးတွေဝေ
ငိုက်တုန်းကအရသာရှိသလို ဘေးကျပ်နံကျပ်ဒုက္ခကလည်း အရသာရှိသပ
ဒီလိုပဲ တစ်ချွတ်ချွတ်တစ်ချော်ချော်နဲ့ ဖြတ်သန်းခဲ့ကြတယ်
တကျွတ်ကျွတ်တချောင်းချောင်း ကျိုးကျခါနီး ကြမ်းခင်းများနဲ့
ကျောင်းတော်ကြီးဆီက နေ့စွဲတွေကို…

Read more...

အတွေးအခေါ်နဲ့ ညနေ

>> Monday, February 23, 2009

ရောင်စုံ စက္ကူစွန်တစ်အုပ်နဲ့ ညနေခင်းကောင်းကင်
ဟော… တက်လာပါပြီ ဘယ်ယိမ်းညာယိမ်း ဖြူနီပြာဝါ ရောင်စုံ
သေသပ်ပုံခြင်းမတူ
အနိမ့်အမြင့်ချင်းမတူ
အချင်းချင်းလည်း ရန်စောင်ကြ
ဟိုစွန်အဖြူက ဟိုစွန်အနီကို ဘယ်လိုဖြတ်ချလိုက်တာ
ဟိုအပြာစွန်က ဟိုအ၀ါစွန်ကို ဘယ်လိုကျဆုံးသွားတာ
တစ်စွန်ပြတ် တစ်စွန်တက်
အစရှိသဖြင့်ပေါ့လေ… ရန်စောင်ပွဲ
တစ်ညနေလည်း မဟုတ် နှစ်ညနေလည်း မဟုတ်
နေ့တိုင်း စွန်တိုက်ပွဲ ရှေ့တန်းစစ်မျက်နှာပြင်ကောင်းကင်မှာ
ဘာကြောင့်များ ဒီလောက်ကျယ်တဲ့ကောင်းကင်မှာ
တစ်စွန်ထဲ ပျံသန်းချင်ရတာလဲလို့ စဉ်းစားမိတယ်
အရောင်စုံ အရွယ်စုံ အနိမ့်အမြင့်အစုံဆို
ပိုမလှပပေဘူးလား စဉ်းစားမိတယ်
တစ်ဆက်တည်း
ဒီခေတ်မှာ ဒီလိုအတွေးအခေါ်ရှိတာ လူရယ်စရာများဖြစ်နေဦးမလား
အကြာကြီး စဉ်းစားမိတော့တယ်။ ။

Read more...

သူငယ်ချင်းများ

>> Friday, February 20, 2009

အရင်တုန်းကတော့ ငါးယောက်မပြည့်ရင် လူမစုံဘူး
အခုတော့ တစ်ယောက်တည်းလည်း လူစုံတယ်

ငါးယောက်ကနေ သုံးယောက်
နောက် နှစ်ယောက်, နောက် တစ်ယောက်တည်း
ဘ၀ကို လုံးကြီးတင်တွေ ဆံခတ်တွေ သေးသေးတင်တွေ တင်ကြည့်တာပါ
နောက်ဆုံးတော့လည်း မူလအသံ မူလအက္ခရာနဲ့ပဲ စခန်းပြန်သွား

အသေအချာ ချိန်းထားရင်တောင် တွေ့ဖြစ်ချင်မှတွေ့ဖြစ်
တွေ့ချင်လို့ ဖုန်းမဆက်ဘဲ အိမ်သွားလိုက် … ရှိချင်မှ ရှိမယ်
ဖုန်းအဆက်အသွယ်ရလည်း အားချင်မှအားမယ်
အားလည်း တစ်မြို့တည်းအတူရှိချင်မှရှိမယ်

အရင်ကလောက် တစ်ယောက်ကိုတစ်ယောက် ထဲထဲဝင်ဝင် မရှိတော့ဘူး
တစ်ယောက်ပြဿနာ တစ်ယောက်သိပ်စိတ်မ၀င်စားနိုင်တော့ဘူး/ချင်တော့ဘူး
ကိုယ့်ပြဿနာကိုပဲ တကယ့်ပင်လယ်ကြီးထင်နေတယ်…ဖြတ်ကူးရဦးမယ်
ကိုယ့်အတွယ်အတာလေးတွေဆီ ကိုယ်ပျံသန်းရဦးမယ်

ဒါပေမယ့် တစ်ယောက် ဆဲ ရင် တစ်ယောက် ရယ်နိုင်သေးတယ်
တစ်ယောက် foul ရင် တစ်ယောက် သည်းခံနိုင်သေးတယ် (အရင်ကထက်ပိုပြီး)
တစ်ခါတစ်လေ တစ်ယောက်ကိုတစ်ယောက်
ကြီးကြီးကျယ်ကျယ် အကြံဥာဏ်တွေပေး (လက်ခံချင်မှလက်ခံတယ်)
ပျစ်ပျစ်နှစ်နှစ်ဝေဖန် … ဒါကတော့ စိတ်မဆိုးကြေးပဲ (စိတ်ဆိုးလဲ ဂရုမစိုက်)
တစ်ခါတစ်လေ ဘုရားဟောကျမ်းထဲက မိတ်ဆွေတုတွေ ဖြစ်လိုက်ကြ
တစ်ခါတစ်လေ တစ်ယောက်နောက်ကျောက
စိုက်နေတဲ့ဓားနဲ့ စိုက်လာမယ့်ဓားတွေကို ရှာဖွေပေးလိုက်ကြ
တစ်ခါတစ်လေ ကိုယ်တိုင် ထိုးစိုက်လိုက်ကြ
နောက်တော့လည်း မေ့မေ့ပျောက်ပျောက်
ဒါတွေအားလုံး စိတ်မဆိုးကြေးပဲ (စိတ်ဆိုးလဲ ဂရုမစိုက်)

ငယ်ကျိုးငယ်နာတွေ ပြန်ဖော်ကြတဲ့အခါ
အကောင်းဆုံးဟာသတွေထက်တောင် ငါတို့ပိုရယ်ကြသေးတယ်
ဒါပေမယ့် တစ်ယောက်မှမလွမ်းဘူး
ရွေ့ပြီးသားအရွေ့ဟာ မူလအနေအထားအတိုင်းပြန်မဖြစ်နိုင်တော့ဘူး
ပြန်လဲမလိုချင်တော့ဘူးလေ

ဒီလိုပဲလေ
ငါတို့သူငယ်ချင်းတွေ
မီးလျှံစမ်းချောင်းလေးတွေလိုစီးဆင်း …ရှောရှောရှူရှူ…

Read more...

မျက်လုံး

>> Wednesday, February 18, 2009

အဓိပ္ပာယ်တွေနောက် သူ လိုက်တော့
မှားမက်ခဲ့တဲ့ သူ့အိပ်မက်တွေတောင် လက်တွေ့ကျသေးတယ်
အခုတော့ ဖြစ်ပုံက
သူ့စိတ်ကူးတောင် သူမပိုင်တော့ဘူး
ဘ၀က တိကျမှုရဲ့ အခြားတစ်ဖက်မှာလား

သူမတွေးခေါ်တဲ့ ဦးနှောက်နဲ့ ကာရန်တွေ စဉ်းစားတယ်
သူမမြင်ဘူးတဲ့ လက်နဲ့ ကဗျာတွေရေးတယ်
သူ့ဆီမှာ သူ့ကိုယ်သူပြန်ရှာလို့ မတွေ့ဘူး

တောင်ပုံရာပုံ အတ္တတွေကို ဖြီးသပ်လို့
စောင်းရွဲ့နေတဲ့အပြုံးကိုတော့ တည့်မတ်ဖို့ မကြိုးစားဘူး
အပုပ်အသိုးကို သ နေလိုက်တာ လူမြင်သူမြင်မှမကောင်း
အဲဒါကိုပဲ သူ့မှာ ကဏန်းတစ်ကောင်လို လက်မတစ်ထောင်ထောင်

ချုပ်ရိုးထပ်အမုန်းနဲ့
ဒင်္ဂါးတစ်ပြားကို လေထဲ ခတ်ဆတ်ဆတ် မြှောက်လိုက်တယ်
အလင်းဘက်ကျမလား အမှောင်ဘက်ကျမလား

Read more...

အချစ်အကြောင်း

>> Monday, February 16, 2009

အချစ်ရေးမှာ ဒီတစ်ယောက်နဲ့စ ဒီယောက်နဲ့ပဲဆုံးတယ်
ညနေတွေလိုပဲ အချစ်က အသစ်ပြန်ပြန်ဖြစ်နေတာ
တစ်ခါတစ်လေ သူပြိုင်ကိုယ်ပြိုင် စိတ်ဆိုးကြ
နောက်တော့လည်း အဲဒီကလေးကလားတွေကို မသိသလိုနေ ရယ်မောကြ
ရည်းစားဖြစ်စ ငါ ညာကိုင်ခဲ့ရတဲ့လက်ဖ၀ါးလေး အခုတော့ ငါ့လက်ထဲမှာ မြဲမြံ
ဒဏ်ရာတွေမှာလည်း အတူတူကွဲရှ …
သူ့ဒဏ်ရာ ကိုယ့်ဒဏ်ရာ အမာရွတ်ချင်းတူခဲ့ဖူးပြီ

အချစ်ရေကြည်လေး တစ်ယောက်အလွမ်းအိုးလေးထဲတစ်ယောက် ထည့်ပေး
နားလည်မှုအိမ်လေး တစ်ယောက်ရင်ထဲမှာတစ်ယောက် တည်ဆောက်
ပတ်ဝန်းကျင်က “ပိုတယ်”ပြောမှာလည်း မကြောက်ခဲ့ပါဘူး
ဒီလိုပဲ တစ်ယောက်ဘ၀ကို တစ်ယောက် ကဲ့ယူခဲ့ကြ
ဒီလိုပဲ တစ်ယောက်အသက် တစ်ယောက် ကူရှုပေးခဲ့ကြ

နှစ်တွေ လတွေတောင် အရှုံးပေးမလားလို့... ခိုင်မြဲခဲ့
ပခုံးပေါ်က သူ့ပါးရာလေး ငါတစ်သက်လုံး ထမ်းထားချင်တာပေါ့
အချစ်မှာ သံယောဇဉ်တစ်ပတ်ပြီးတစ်ပတ်ရစ်
ငါတို့ မပြည့်မစုံလေးနဲ့ပဲ ပြည်စုံကြတယ်

အချစ်က မတီးဘဲလည်း မြည်တယ် ငါတို့နှစ်ယောက်ကြား
လူပြိန်းနားလည်တဲ့စာတစ်ကြောင်းထပ်ပိုပိုသာသာ
အရှိတရားတွေ ဒိုးယိုပေါက် ရှင်းလင်းတိကျ
ငါတို့ကတော့ စလုံးရေ စ နေကြတုန်း…။ ။

Read more...

အလွမ်းဒဏ်ရာနဲ့ ခြေခင်းလက်ခင်းမသာတဲ့ မနက်ခင်းမှ ညနေခင်းဆီ စီးဆင်း

>> Saturday, February 14, 2009

ငါ့ရင်ထဲက တိမ်ညိုညိုတစ်အုပ်
နှလုံးသားကို အုံ့မိုးဝန်းရံပြီး ရွာချလိုက်တာ
အခုထိ မစဲသေးဘူး
သတိရစိတ်က
သိပ်ထက်တဲ့ ငွေဓားပါးမိုးစက်လေးတွေ
အခုကို အတော်ရှနေပြီ

အနက်ရောင်လမ်းမတွေက
ဝေးကွာခြင်းအလျားကို ဆွဲဆန့်နေကြတာ
ဒဏ်ရာနက်နက်တွေ ရက်ရက်စက်စက် လွှတ်လှလာကြပေါ့
ကြင်နာသူရေ…
ကားနောက်မြှီးမှာ ထကြွကျန်ခဲ့တဲ့ ဖုန်မှုန့်လေးတစ်မှုန့်လောက်တောင်
ငါ့စိတ်တွေ မတည်ငြိမ်ခဲ့ပါဘူး
သူ့ချည်တိုင် မင်းရှိရာဆီ စက္ကန့်တိုင်းပြေးလို့

ဒီလိုပဲ အလွမ်းပူပူတွေနဲ့ နွေးထွေးခဲ့ရတဲ့ ဒီဇင်ဘာဆောင်းညတွေမှာ
အလွမ်းစိတ်လေးအယားပြေ၊ မင်းနာမည်ကို တိုးတိုးခေါ်တော့
ငါ့ညတွေ မှောင်မိုက်လိုက်တာ ချစ်သူရယ်
ကောင်းကင်ပျက်ကြီးထဲ ငါတစ်ယောက်တည်း လွင့်ကျသွားသလို

မခံစားနိုင်တော့ဘူး
ချင်းတွင်းနဲ့ ဧရာဝတီနှစ်စင်း
ငါ့အလွမ်းတွေ စွန်းထင်းလှပခဲ့ပြီ။

Read more...

ဟာသ ၂

>> Wednesday, February 4, 2009

လိပ်ပဲဖြစ်လိုက်ချင်တယ် စိတ်ညစ်လို့
ဘာမှတော့မဆိုင်ဘူး
ကျနေတဲ့စီးပွားရေးနဲ့ ငါ့စိတ်က ကပ်ပါသွားသလိုပဲ
ဖြစ်ချင်ရာဖြစ်မောင်ဘချစ်ကလည်း ခေတ်မရှိတော့ဘူး
အနေအထားက ရွှေသွားနဲ့မဟုတ် မြွေကြားနဲ့တွေ့နေရတာ
ထိုးချေခံလိုက်ရတဲ့စီးကရက်ဖင်ဆီခံလိုပဲ ဘယ်နေရာအသုံးကျပြရမလဲမသိဘူး
ဘူလွန်းလို့ ဘူကြီးရိုက်ရင်တောင် သူဌေးဖြစ်နိုင်တယ်
မိချောင်းပေါ်နေတဲ့လက်ကျန်စိတ်ရေအိုးလေးကို ကုန်းခပ်လိုက်တော့
မဆုံးနိုင်အောင်ကို အနည်ထတော့တာပဲ
မျှော်လင့်ချက်တနင့်တပိုးနဲ့ကောင် ခွေးဖြစ်တဲ့ပွဲ ၀က်ဝက်ကွဲတိုးဝှေ့ကြည့်ကြပါ
ဟာသက ကမ္ဘာကျော်မယ်နော်
ဒဏ်ရာက စိမ့်ထွက်နေတာ သွေးမဟုတ်ဘူး အားမလိုအားမရအရှက်
ငါအခုစားနေတာ ထမင်းမဟုတ်ဘူး အမေ့ချွေးစက်
ရယ်ရတယ်နော် ကမ္ဘာကျော်
ညစ်နေတဲ့စိတ်တောင်ဘယ်ရောက်သွားမှန်းမသိတော့ဘူး အမေရယ်
ဒေါသဆို ဝေးရော
အခု
ဘယ်သူတွေအတွက် ဘယ်လောက်ပဲသေးသေး ငါ့အတွက်တော့ ကြီးတယ် ကမ္ဘာကြီး ပဲ
ကမ္ဘာအကြီးကြီးပေါ်က လူသားပိစိကွေးလေးငါလေ ကိုယ့်ဟာသနဲ့ကိုယ် နာနာကျင်ကျင်
ဟုတ်တယ် ငါကိုက အရေခွံပါးလွန်းတယ်
အရေပြားအောက်မှာလောင်နေတဲ့မီး အခုငုံ့ကြည့် မြင်နေရတယ်
မရတော့ဘူး အန်ချလိုက်တော့မယ် ဆွေးဆွေးမြေ့မြေ့ ဟိုရောက်ဒီရောက် ကဗျာ
ဟာသက ဒီမှာတင်မပြီးသေးဘူး
ပြီးရင် လိပ်ဖြစ်ပေါ့။

Read more...

လူလိမ္မာမိုက်

>> Sunday, February 1, 2009

ကိလေသာအညစ်အကြေးတွေအခိုင်အမာ အမြစ်တွယ်နေတဲ့
အရိုးပေါ်အသားတင် တန်ဆာပလာနဲနဲထည့်ပြီး အရေပြားစွပ်ထားတဲ့ ၀တ္ထုအစုအပုံကြီးပေါ့

ခံစားစိတ်ကလေးက ပါးလျလှုပ်ခတ်လွန်းတော့ သူ့ခမျာ မနေနိုင်မထိုင်နိုင် ကဗျာတွေရေး

သူ့စွဲလမ်းစိတ်ကိုသူ ကျားကုတ်ကျားခဲ ဖက်တွယ်ထားပုံက ကြေးမုံမှန်တစ်ချပ်လိုပဲ
ကြည့်ဦးလေ
သူက ကမ္ဘာကြီးကို ရွံချစ် ပါသတဲ့
သူက သဘာဝတရားကြီးကို ရွံချစ် ပါသတဲ့
အလှတရားကို ရွံချစ် ပါသတဲ့
ပြီးတော့
လူတွေ …
အတ္တ ပုံစံအမျိုးမျိုး …
ခေတ် … အစရှိသဖြင့်ပေါ့လေ
နောက်ဆုံး … သူ့ကိုယ်သူ
ရွံချစ် … ရွံချစ် …. ရွံချစ် ပါသတဲ့ …

မေတ္တာ ကရုဏာ ကာမဂုဏ်စွဲလမ်းမှု
တရားမှန်နဲနဲ တရားမှားများများ လက်ကိုင်ထားတယ်

သူ့ခေါင်းမာမှုက သံခမောက်
သူ့စိတ်ထားက ပိုးစဖြူ ပါးပါးလေး

သူ့မှာမရှိတဲ့ နောင်တနဲ့ သူ့ဘာသာသူ ပြန်ပြန်ပစ်
သူ့မာနတွေ တလူလူလွင့်ပေါ့

အဲဒါ … တရားစစ်မရနိုင်တဲ့ ဆန့်ကျင်ဘက်တွေနဲ့ လူပုဂ္ဂိုလ်ကြီး
ကဗျာဆရာပေါ့ …။ ။

Read more...

အလေအလွင့် ညနေစိတ်

>> Saturday, January 10, 2009

မျက်လုံးက ဘာမှမသဲကွဲလောက်အောင် မှောင်လင်း
ငါ့ကိုငါတောင် ပြန်မမှတ်မိနိုင်တော့တဲ့ညနေပါ
ဆာလောင်မွတ်သိပ်မှုနဲ့ ငါ့အဆာအိမ်ကြီး လေးပင်ခဲ့

နွေးထွေးကြင်နာမှုတွေဆီ
မရောက်နိုင်မှန်းသိရက်နဲ့ စိတ်နဲ့ပဲလျှောက်၊ ငါ့ခြေထောက်တွေ မရွေ့ဘူး
ပြန်မလိုချင်တော့ဘူး၊ ငါပယ်ချခဲ့တဲ့ ငါ့ရဲ့ကံကောင်းခြင်းတွေကို

မာနတွေ ချွန်ထက်၊ စူးနစ်ခဲ့ဒဏ်ရာတွေ နှလုံးစွဲခဲ့ပြီ
လမ်းနဲ့အညီ ပြောင်းတတ်တဲ့နှလုံးသွေးတွေ ခက်ထန်ကြမ်းတမ်း
ငါမပျော်ဘူး၊ ဒါပေမယ့် ငါခေါင်းမာဆဲပဲ

ညစ်ပတ်စုတ်ပြတ်မှုတွေက ရှောင်မရအောင် လှပ၊ အနံ့သင်း၊ စွဲဆောင်
ငါ ခါးခါးသက်သက် ငြင်း။ ငါ မိုးခါးရေမသောက်ဘူး
ငါ့ရိုးသားမှုနဲ့ ငါ့တရားနဲ့ ငါ့ဆာလောင်မှုနဲ့

သက်ပြင်းတွေကြားထဲမှာပဲ နေ၀င်သွားပြီ
ရောက်သင့်ရက်နဲ့ရောက်မလာတဲ့ စိုးရိမ်ပူပန်မှု
ရှိသင့်ရက်နဲ့မရှိတဲ့ နောင်တ
ငါမတ်တပ်ထရပ်လိုက်မှုက ဘာ နာမ၀ိသေသန မှမပါအောင် ရိုးရှင်းလွန်းရဲ့
လျှောက်မယ်လေ
လမ်းရှိသရွေ့ ငါ့ခြေထောက်တွေရှိရမယ်မဟုတ်လား

Read more...

Followers

အခု ယောက် ကြည့်နေတယ်
သင်ဟာ Dedicated Server
မြောက် လာရောက်ကြည့်ရှုသူဖြစ်ပါတယ်။

  © Blogger template Simple n' Sweet by Ourblogtemplates.com 2009

Back to TOP