Pages

အမေ့အတွက်ကဗျာ

>> Wednesday, December 31, 2008

ကံကြမ္မာက မျက်နှာသာမပေးတော့
အမေ့ခမျာ ဘယ်လောက်ကြိုးစားပြီး အနစ်နာခံခံ မျက်နှာမရဘူး
အဝေးက အဖေကတော့ ဘယ်လိုတွေးနေမယ် မပြောတတ်ဘူး
အမေ့မှာ ပျို့တက်လာတဲ့ အားငယ်မှုကို ပြန်မျိုမျိုချနေရရှာတယ်

ကြံ့ကြံ့ခံတဲ့ အမေ့ခြေထောက်တွေပေါ်မှာ
ကျွန်တော်ဖက်တွယ်ရပ်တည်ခဲ့တာ ခက်ခဲကြမ်းတမ်းတဲ့ သုံးနှစ်ကျော်ပါ
ဒါတောင်မှ
တစ်ခါတစ်ရံ လျှံကျလာတဲ့ အမေ့မျက်ရည်တွေအတွက်
ကျွန်တော့်မှာ စကားလုံးမရှိအောင်ကို ကျွန်တော်ကတုံးခဲ့
ပြဿနာတစ်ထောင်မှာမှ တစ်ခုပဲ ကျွန်တော့်ကို တိုင်ပင်ခဲ့တာ
ကျွန်တော့်ကို စိတ်ချမ်းသာစေချင်လို့လား အမေ
ဘာပဲပြောပြော
အမေ တိုင်ပင်ဖော်ရှားပါးနေတာ ဖုံးဖိထားသမျှ ထိုးထိုးထောင်ထောင်ပါ

မိသားစုပြန်ဆုံမယ့်အချိန်ကျမှ အတိုးချပျော်ပေါ့ အမေရယ်
အခုတော့ အမေလည်း ကြိုးစား, ကျွန်တော်လည်း ကြိုးစားပါ့မယ်
ဟိုအရင်က ကျွန်တော်တုံးခဲ့သမျှ နောင်တစ်ချိန်မှာ အမေ ပြုံရပါစေမယ် အမေ
အခုတော့
ဒီကဗျာလေးနဲ့ပဲ နှစ်သိမ့်လိုက်ဦးပေါ့ အမေရယ်။

Read more...

မမီမကမ်း၊ တဆင့်နှိမ့်၊ ခိုငှက်လွတ်ခြင်း

>> Monday, December 22, 2008

တစ်ကောင်ဘယ်လောက်လဲ
လေးရာပါ၊ တစ်ထောင်ဖိုး သုံးကောင်ယူလေ
ငါ့လက်ထဲရောက်လာတဲ့အကောင်လေးက
မျက်စိမည်း နှုတ်သီးချွန်လေး
ချည့်နဲ့နဲ့အတောင်ပံတွေက ငါ့လက်ဖ၀ါးအောက်မှာ ရုန်းကန်လို့
မကြာခင် မင်းပျံသန်းရတော့မှာပါ ငှက်ကလေးရယ်
တစ်ကောင်ပြီးတစ်ကောင်
နိမ့်ချည် မြင့်ချည်
လေထဲမှာ ယိုင်နဲ့နဲ့
မတူညီတဲ့ ဦးတည်ချက်များဆီ
တူညီတဲ့ လွတ်လပ်ခြင်းဆီကို …

Read more...

အမေ့အတွက်ကဗျာ ၂

>> Thursday, December 11, 2008

ကျွန်တော် အိမ်က ထွက်လာတော့
ဝဲခဲ့တဲ့ အမေ့မျက်ရည်တွေ
ကျွန်တော် အခုထိ မမေ့သေးဘူး
လောကဓံကို ကိုယ်တိုင်ကိုယ်ကျခံယူဖို့ လှမ်းခဲ့တဲ့ ခြေလှမ်းတွေပေါ့ အမေရယ်
ခွင့်လွတ်ပါလို့ပြောစရာမလိုအောင် အမေက ခွင့်လွတ်ပြီးသားဆိုတာ ယုံတယ်
အဖေ့မျှော်လင့်ချက်လေး အလင်းရ “မီး” လာဖို့
မလွတ်လပ်တဲ့အဖေ့ကိုယ်စား လွတ်လပ်ခြင်းတွေမှာ ပျံသန်းဖို့
ဖြန့်ခဲ့တဲ့ တောင်ပံတွေပေါ့ အဖေရယ်
ယုံကြည်ရာမှာ ရဲရင့်တဲ့ အဖေ့အတွက် ကျွန်တော်မှာ အားကျဂုဏ်ယူလို့မဆုံး

စဉ်းစားကြည့်မိရင်
ကျွန်တော့်မျက်ရည်တံတိုင်းတွေ ကျိုးကျိုးကုန်တယ်
မိသားစုသုံးယောက်မှာ
အဖေတစ်နေရာ
အမေတစ်နေရာ
သားတစ်နေရာ
တစ်ယောက်ခြင်းစီ သိမ်ငယ်
တစ်ယောက်ခြင်းစီ မျှော်လင့်
တစ်ယောက်ခြင်းစီ ဆုတောင်း

လူမစုံတဲ့ ထမင်းဝိုင်းလေးမှာ
အခုတော့ အမေတစ်ယောက်တည်း
အရမ်းသတိရနေချိန်တိုင်းမှာ
ကျွန်တော်က ဖုန်းဆက်တယ်တဲ့ အမေကပြောတယ်
အဲဒီလောက်ထိအောင် ချစ်ခြင်းမေတ္တာတွေ ပြည့်စုံအားကောင်း
လူစုံတက်စုံ မိသားစု ထမင်းဝိုင်းလေး
ကျွန်တော်တို့သုံးယောက်လုံး ဆာလောင်တာပေါ့ အမေရယ်
အခုတော့ သည်းခံဦးပေါ့

ဒီမိသားစုလေးမှာ ကျွန်တော်ပါဝင်ခွင့်ရတာ
နတ်ကောင်းနတ်မြတ်တွေ ပေးသနားတဲ့ ဆုလဒ်ကြီးပါ
အဲဒါကြောင့် ဟိုသီချင်းစာသားလေးလို
လူတွေအားလုံးထဲ ကျွန်တော်ဘိတ်ချေးဖြစ်နေစေဦးတော့
ပထမရသလိုခံစားရပါတယ် အဖေနဲ့ အမေရယ်
အဲဒီအတွေးနဲ့ ပြုံးတဲ့အပြုံးဟာ
ကျွန်တော်ရဲ့ လူသားအဆန်ဆုံးအချို့ထဲက တစ်ခုပေါ့
ကျွန်တော်ရဲ့ ဂျစ်ပစီ နေ့ရက်တွေထဲက အားဆေးပေါ့
ကျွန်တော်ရဲ့ ခွေယိုင်နေတဲ့ ခြေထောက်တွေအတွက် ချိုင်းထောက်ပေါ့
အဲဒီလို ကျွန်တော် ယုံကြည်တယ်

မနက်တိုင်း
မျှော်လင့်ချက်နဲ့ အိပ်ရာထနေရတဲ့ ကျွန်တော်
အဖေနဲ့ အမေကို
ဟော့ဒီစာမျက်နှာလေးနဲ့ ကန်တော့လိုက်ပါရဲ့
မျှော်လင့်ချက်ပန်းလေးတွေ ပွင့်ပါစေလို့

Read more...

စိတ်ပျက်ခြင်းတွေ ထူးထူးချွန်ချွန်

>> Saturday, December 6, 2008

တစ်နေ့လုံး ဘယ်နားထားရမှန်းမသိတဲ့ စိတ်
ညနေရောက်တော့ ငရဲနဲ့တွေ့နေပြီ
စိတ်ပျက်ခြင်းတွေ ထူးထူးချွန်ချွန်
စက္ကူစွန်ဖြတ်ပွဲတွေထဲ ငါမပါဘူး
အရိပ်နင်းပွဲတွေထဲ ငါမ၀င်ဘူး
တောလိုက်ပွဲတွေကိုလည်း ငါမုန်းတယ်
စိတ်ပျက်ခြင်းတွေ ထူးထူးချွန်ချွန်
ခဏခဏအသက်အောင့်ထားမိလို့ ခဏခဏသက်ပြင်းချရတယ်
(ငါ့သူငယ်ချင်းကပြောတော့ အသက်တိုဆေးပေါ့တဲ့)
စိတ်ပျက်ခြင်းတွေ ထူးထူးချွန်ချွန်
အမှောင်နဲ့ခင်းထားတဲ့လမ်းပေါ်က ခေတ်
ဆရာသစ္စာနီလိုလည်း နေမင်းဆီဖုန်းမဆက်ချင်ဘူး
အရင်ကဗျာထဲကလိုလည်း အလင်းတွေ မမျှားချင်တော့ဘူး
စိတ်ပျက်ခြင်းတွေ ထူးထူးချွန်ချွန်
ငါ့မျက်လုံးတွေလည်း ညစ်ထေးမှုနဲ့ အောင့်နေပြီ
ညနေဆိုတော့ အာရုဏ်ဦးနဲ့ ဝေးသေးလား
(ငါတကယ် မသိတော့ဘူး)
စိတ်ပျက်ခြင်းတွေ ထူးထူးချွန်ချွန်
ဘ၀နဲ့ ဆတူ အကုသိုလ်တစ်ထပ် ကျောပိုးအိပ်ထဲထည့်သူထည့်
အသိဥာဏ်ဟောင်းလောင်းလွယ်အိပ်ကို လွယ်သူလွယ်
ရှေ့မှာစတိုင်အပြည့်နဲ့ နောက်ကျောဘက်မှာ ဖင်ပေါ်သူပေါ်
စိတ်ပျက်ခြင်းတွေ ထူးထူးချွန်ချွန်
ဒီညနေမှာ
ငါတကယ်
စိတ်ပျက်ခြင်းတွေ ထူးထူးချွန်ချွန်…

Read more...

Followers

အခု ယောက် ကြည့်နေတယ်
သင်ဟာ Dedicated Server
မြောက် လာရောက်ကြည့်ရှုသူဖြစ်ပါတယ်။

  © Blogger template Simple n' Sweet by Ourblogtemplates.com 2009

Back to TOP