Pages

ချစ်သူ

>> Sunday, November 30, 2008

ချစ်သူ
တစ်ယောက်တည်း အထီးကျန်နေတဲ့ ဒီအခန်း...အလင်းမရှိတာဆန်းသလား !
အမှောင်ထဲမှာနှလုံးသားတွေကျင့်သားရနေတာ . . .အလင်းကိုတောင်ကြောက်နေတတ်ပြီ. ..
အမှောင်ကိုမြတ်နိုးလို့တော့မဟုတ်ဘူး . . .အလင်းရဲ့မာယာတွေကို ကြောက်လို့ပါ . . .
သောက်လက်စဆေးလိပ်တိုတစ်တို ခုထိငွေ့မသေသေးဘူး ...
နောက်ပြီးရေးလက်စကဗျာတစ်ပုဒ် ခုထိအဆုံးမသတ်နိုင်သေးတာ
ငါ့လက်တွေ သွေးမခြောက်သေးလို့ပါ......

ဒိလောက်တောင် ခံစားတတ်နေတဲ့ငါ့ နှလုံးသား . . .
ငါကိုယ်တိုင်ရင်ခွဲပြီးထုတ်ထားတာ ဘယ်သူအပြစ်ပြောမလဲ !
ခုမှ မာနတွေနဲ့ ရဲရဲနီပြနေလိုက်တာ . . .
အလွမ်းအိုင်ထဲမှာ
ဖုတ်ဖုတ်လိုက်လိုက် ဖြစ်နေတာတောင်သတိမထားမိဘူး ...
ဒါတောင် အချစ်ကိုကိုပူစာတတ်တုန်း ...
ခံစားရတာနည်းတောင်နည်းသေးတယ်. . .
ဖြစ်နိုင်ရင် အခန်းထဲက အိမ်မြှောင်စုတ်ထိုးတဲ့အသံတောင် မကြားချင်ဘူး . . .

တကျွတ်.. . .ကျွတ်နဲ့ဆိုတော့ ကိုယ့်ကိုယ်များသနားနေကြသလားလို့
မဆီမဆိုင်တွေးပြီး အားငယ်နေသေးတယ် . . .
ပင့်ကူတစ်ကောင်လို အနှောင်အဖွဲ့တွေနဲ့မာယာလဲမများချင်ပါဘူး . . .
တစ်ခါတစ်လေ ဖြစ်သမျှအကြောင်းအကောင်းချည်းပဲဆိုပြီး
ခေါင်းငြိမ့်နေတတ်တဲ့ ပုတ်သင်ညိုလေးကိုတောင် အားကျမိသလိုပဲ. . .
ဘာလို့လဲဆိုတော့ငါလဲ အရောင်ပြောင်းတတ်လို့ပဲ.. .
ဟုတ်တယ်တစ်ချိန်ကမုန်းတယ်ဆိုတာကို ချစ်တတ်တဲ့ငါ ...အခု
ချစ်တယ်ဆိုတာကို မုန်းတတ်နေပြီလေ

ခဏတာမှားခဲ့တဲ့ အမှားတွေ(အရိပ်တစ္ဆေ)တွေရေ
ငါ့ကိုမခြောက်လှန့်ချင်ပါနဲ့တော့..
" ငါ"
မကြောက်တတ်ချင်တော့လို့ပါ . . .
နောက်ပြီး . . . မာယာမပါတဲ့အချစ်ပွဲတစ်ပွဲ . . .
မာနကိုကိုင်ဆွဲပြီးကစားချင်သေးတယ် . . .
မျက်ရည်မကျစတမ်းပေါ့ .......ဘာလို့လဲဆိုတော့ . . . . .
ငါဟာမျက်ရည်ကို နှစ်သက်တဲ့
မျက်ရည် တစ်စက် . . ..ဖြစ်နေလို့ပါ . . .
"မမ"
ရဲ့ " မောင်"

kingprncss

Read more...

အရိပ်နင်းသူ

>> Wednesday, November 26, 2008

သင်ထင်တာနဲ့တလွဲစီ
ခုန်အုပ်မိတာ သားကောင်ဟုတ်ရဲ့လား
တောလိုက်ကွင်းထဲမှာ ချပြထားတဲ့ အရိပ်တွေ အရိပ်တွေ
အရောင်အသွေး အစုံအလင်
အစွယ်အသွား အချွန်အထက်အမျိုးမျိုး
သင် နင်းမိတဲ့ အရိပ်က သင့်ကို ပြန်ခုန်အုပ်
လောင်းကြေးထပ်ထားတဲ့ ဘ၀၊ တစ်ခြမ်းမည်းသွား
သင့်မျက်နှာ ရှုံ့မဲ့ပြီး သင့်အရှုံးက ဂန္တ၀င်မဆန်ဘူး
ဘာမှ မရှိခြင်းထဲ သင် ရှုံးနိမ့်ခဲ့ရခြင်းအတွက် လက်ခုပ်သံတွေ ညံလို့…။

Read more...

လွမ်းတဲ့အကြောင်း

>> Thursday, November 20, 2008

မှိတ်တုတ်မှိတ်တုတ်နဲ့ ငါ့အလွမ်းတွေ အားကောင်းလာလိုက်တာ
ညဆိုတာမှာ အိပ်စက်ခြင်းကို ငါမေ့သွားတယ်

ငါ့လက်ဖျားပေါ်က အနွေးငွေ့လေး
အခုထိ လောင်ကျွမ်းအားကောင်းတုန်း
နူးညံ့ခြင်းတစ်သိုက်နဲ့ ငါ့စိတ်တွေ လှိုက်သွားတယ်
သာမာန်ကိစ္စလေးမှာလဲ သူ့ကြီးကျယ်ခမ်းနားမှုနဲ့သူ

ချစ်ခြင်းမေတ္တာမှာ ငါကျေနပ်တာလည်း ဒါပဲ
ရိုးရိုးဆန်းဆန်း ဂုဏ်ဒြပ်ခြင်းအတူတူ
သတိရစိတ်ခြင်း ထပ်တူ
ငါ့ညတွေကို ကိုင်လှုပ်နိုင်တာခြင်းလည်း တူ

အများကြီးပေးဆပ်စရာ မလိုဘူး
ဘာမှ ကြီးကြီးကျယ်ကျယ် လုပ်ပေးစရာလည်း မလိုဘူး
ဒီကောင်မှာ
မင်းလက်ဖ၀ါးလေးတစ်ဖက်တည်းနဲ့တင်
အလွမ်းတွေ သွပ်သွပ်ခါနေပေါ့…။ ။

Read more...

ဆေးကြောတဲ့နေ့တစ်နေ့

>> Wednesday, November 12, 2008

စိတ်ကို ကြိုးဖြေပြီး
ငါ့ရင်ထဲက အနည်အနှစ်တွေနဲ့ ပင်လယ်ကို သန့်စင်ဖို့ကြိုးစား
ဘ၀ကိုတော့ အင်္ကျီချိတ်မှာ ချိတ်ပြီး နေလှန်းရမယ်

ကဲ မိတ်ဟောင်းဆွေဟောင်းကြီး မနက်ဖြန်ရေ
သန့်စင်တဲ့ အလင်းတို့နဲ့ ငါ့ကို လက်ဆွဲနှုတ်ဆက်ပါလေ
အညှာအတာကင်းမဲ့တဲ့ မြှားမိုးတွေတော့ တော်လောက်ပြီ

ဒီလို
စူးတွေနဲ့ အမှတ်တရ အဆင်မပြေမှုများ
ချွန်ထက်လှပတဲ့ အမြတ်တနိုး ဒဏ်ရာများ
ငါ့ရင်ဘတ်ထဲ ပွေ့ပိုက်မထားချင်ဘူး
ရောက်ရာနေရာမှာ ငါ ချထားပစ်ခဲ့ရမှာပဲ

တကယ်ပါ
စိတ်ကို ရေချိုး ဂျီးညှော်တိုက်ပေးပြီးသွားပြီ
ဘ၀လည်း နေရောင်အလုံအလောက်နဲ့ အနံအသက်ပျောက်လောက်ပြီ
ရှေ့ဆက်ဖို့အတွက် မနက်ဖြန်လင်းဖို့ပဲ ကျန်တော့တယ်

ကောင်းမြတ်သော နေရောင်ခြည်
ငါ့အား မွေးဖွားရန်
ထွန်းညှိပါတော့လော့ …

slp

Read more...

Followers

အခု ယောက် ကြည့်နေတယ်
သင်ဟာ Dedicated Server
မြောက် လာရောက်ကြည့်ရှုသူဖြစ်ပါတယ်။

  © Blogger template Simple n' Sweet by Ourblogtemplates.com 2009

Back to TOP